Snæþór Helgi gengur laus þrátt fyrir dóm fyrir hrottalegt ofbeldi gegn fyrrverandi Árni Sæberg skrifar 20. febrúar 2024 18:44 Landsréttur ákvað í gær að manninum skyldi sleppt úr gæsluvarðhaldi. Vísir/Egill Snæþór Helgi Bjarnason, sem var á dögunum dæmdur fyrir sérstaklega hættulega líkamsárás gegn fyrrverandi kærustu sinni, hefur verið sleppt úr gæsluvarðhaldi. Hann hlaut fjögurra ára dóm fyrir árásina þar sem ekki var talið að hann hefði reynt að ráða konunni bana. Þar með er skilyrðum laga um meðferð sakamála um áframhaldandi gæsluvarðhald ekki uppfyllt. Þetta segir í úrskurði Landsréttar, sem kveðinn var upp í gær. Snæþór Helgi hafði skotið málinu til Landsréttar eftir að Héraðsdómur Reykjavíkur úrskurðaði hann í áframhaldandi gæsluvarðhald til 15. ágúst næstkomandi. Snæþór Helgi var dæmdur í fjögurra ára fangelsi á þriðjudag síðustu viku fyrir sérstaklega hættulega líkamsárás. Dómur yfir honum var birtur laust upp úr klukkan 19 í kvöld. Hann hefur ekki verið nafngreindur fyrr en nú. Hann var ákærður fyrir tilraun til manndráps, stórfellda líkamsárás og brot í nánu sambandi, með því að hafa ráðist á konuna og meðal annars lamið og sparkað í höfuð hennar, reynt að kyrkja hana og hent henni í læk í skóglendi. Í úrskurði Landsréttar segir að niðurstaða Héraðsdóms Reykjavíkur hafi verið sú að ekki hafi verið nægilega sýnt fram á það að ásetningur mannsins hefði staðið til þess að ráða kærustunni fyrrverandi bana. Þá hafi ekki heldur verið fallist á það að samband mannsins og konunnar teldist náið í skilningi ákvæðis almennra hegningarlaga um brot í nánu sambandi. Í ákvæðinu segir að bæði núverandi og fyrrverandi maki eða sambúðaraðili geti talist í nánu sambandi með brotaþola. Þá segir að slíkt brot geti varðað sex ára fangelsi eða sextán ára, teljist brotið stórfellt. Voru sundur og saman og bjuggu saman í „kommúnu“ Í dómi Héraðsdóms Reykjavíkur segir um samband fólksins segir að samkvæmt málsgögnum og framburði þeirra virðist í aðalatriðum liggja fyrir að þau hafi kynnst og tekið saman á viðkvæmum tímamótum í lífi konunnar í október árið 2021. Upp frá því hafi þau ýmist verið saman eða sundur sem kærustupar eða vinir en haldið áfram að vera í samskiptum þess á milli. Þannig hafi samband þeirra eða samskipti á einn eða annan hátt verið allt fram í lok ágúst 2023 þegar meint atvik í skóglendinu áttu sér stað. Þá hafi þau að einhverju marki lifað saman kynlífi á meðan þau voru saman og sundur í sambandinu. Einnig yrði ráðið af framburði konunnar fyrir dómi að hún hafi verið ástfangin af Snæþóri Helga. Hið sama yrði ekki sérstaklega ráðið af framburði hans fyrir dómi en margt sé hins vegar óljóst um huglæga afstöðu hans til konunnar og atvika, eins og málsgögn liggi fyrir. Þeim hafi þó borið saman um að þau hafi um tveggja eða þriggja mánaða skeið á fyrri hluta ársins 2022 verið með herbergi á leigu í stóru húsi í og búið í því þar sem fleira fólk var búsett. Yrði ráðið að þar hafi verið um að ræða óskráða sambúð og/eða sameiginlega búsetu í kommúnu í stuttan og afmarkaðan tíma. Af framburði þeirra yrði hvorki ráðið að þau hafi að öðru leyti búið saman né að fjárhagur þeirra hafi nokkurn tímann náð því að vera sameiginlegur. Því hafi ekki verið unnt að fallast á að þau hefðu verið í nánu sambandi í skilningi laganna. Hringdi æstur í móður brotaþola eftir árásina Í kafla dómsins um ákvörðun refsingar Snæþórs Helga segir að brot hans hafi beinst að að mikilvægum hagsmunum konunnar og grófleiki og hættustig brotanna hafi verið með meira móti. Þá hafi orðið töluvert líkamstjón og mikil sálræn vanlíðan eftir á hjá konunni vegna af háttseminnar. Horfi allt framangreint til refsiþyngingar. Þá bera brot hans með sér hátt ásetningsstig og horfi það jafnframt til refsiþyngingar. Þá beri að líta til þess, til refsiþyngingar, að Snæþór Helgi hafi sett sig í símasamband við móður konunnar að nóttu til, vanstilltur, í framhaldi af árás á konuna. Manneskju sem hann hafði ekki verið í neinum samskiptum við áður, með ónæði og ama sem því fylgir fyrir aðstandanda, og dóttir hennar á sama tíma talsvert slösuð og innlögð á sjúkrahúsi. Í framburði móður konunnar fyrir dómi sagðist hún hafa spurt Snæþór Helga hvort hann væri maðirinn sem hefði verið að „buffa“ dóttur hennar svo mánuðum skipti. Hann hafi þá skellt á en haldið áfram að senda henni skilaboð. Sem áður segir var Snæþór Helgi dæmdur til fjögurra ára óskilorðsbundinnar fangelsisvistar. Frá henni regst þó gæsluvarðhald sem hann hefur sætt óslitið frá 4. september árið 2023. Þá var hann dæmdur til að greiða konunni 2,5 milljónir í miskabætur en hún hafði farið fram tíu milljónir króna. Loks var hann dæmdur til að greiða alls 5, 2 milljónir króna í sakarkostnað, þar af tvo þriðju málsvarnarlauna verjanda hans, sem voru fimm milljónir króna, og tvo þriðju þóknunar réttargæslumanns konunnar, sem voru tvær milljónir króna. Fjögur ár ekki nóg Í úrskurði Landsréttar segir að ákæruvaldið hafi krafist áframhaldandi gæsluvarðhalds á grundvelli ákvæðis laga um meðferð sakamála, sem kveður á um að heimilt sé að úrskurða sakborning í gæsluvarðhald ef sterkur grunur leikur á að hann hafi framið afbrot sem að lögum getur varðað 10 ára fangelsi, enda sé brotið þess eðlis að ætla megi varðhald nauðsynlegt með tilliti til almannahagsmuna. Í úrskurðinum segir að að virtri niðurstöðu málsins í héraði, sem ekki liggi fyrir hvort verði áfrýjað, og dómaframkvæmd yrði ekki fallist á að viðhlítandi rök hafi verið færð fyrir því að nauðsynlegt sé að Snæþór Helgi sæti áfram gæsluvarðhaldi með tilliti til almannahagsmuna. Talinn líklegur til áframhaldandi brota Í staðfestum úrskurði Héraðsdóms Reykjavíkur frá byrjun nóvember sagði að Snæþór Helgi þætti mjög líklegur til að beita konuna frekara ofbeldi fengi hann að ganga laus. Sú niðurstaða hafi verið byggð á áhættumati á manninum vegna brota í nánu sambandi, sem lögregla hafi framkvæmt. Í matsgerð hafi komið fram að „mjög mikil hætta“ væri á áframhaldandi ofbeldishegðun af hans hálfu. Níu af tíu svokölluðum áhættuþáttum hafi verið metnir til staðar hjá honum. Vegna þess og vegna alvarleika meints brots hans hafi lögregla metið það svo að umtalsverðar líkur væru á áframhaldandi lífshættulegu ofbeldi hans gagnvart konunni. Fréttin hefur verið uppfærð. Dómsmál Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Þetta segir í úrskurði Landsréttar, sem kveðinn var upp í gær. Snæþór Helgi hafði skotið málinu til Landsréttar eftir að Héraðsdómur Reykjavíkur úrskurðaði hann í áframhaldandi gæsluvarðhald til 15. ágúst næstkomandi. Snæþór Helgi var dæmdur í fjögurra ára fangelsi á þriðjudag síðustu viku fyrir sérstaklega hættulega líkamsárás. Dómur yfir honum var birtur laust upp úr klukkan 19 í kvöld. Hann hefur ekki verið nafngreindur fyrr en nú. Hann var ákærður fyrir tilraun til manndráps, stórfellda líkamsárás og brot í nánu sambandi, með því að hafa ráðist á konuna og meðal annars lamið og sparkað í höfuð hennar, reynt að kyrkja hana og hent henni í læk í skóglendi. Í úrskurði Landsréttar segir að niðurstaða Héraðsdóms Reykjavíkur hafi verið sú að ekki hafi verið nægilega sýnt fram á það að ásetningur mannsins hefði staðið til þess að ráða kærustunni fyrrverandi bana. Þá hafi ekki heldur verið fallist á það að samband mannsins og konunnar teldist náið í skilningi ákvæðis almennra hegningarlaga um brot í nánu sambandi. Í ákvæðinu segir að bæði núverandi og fyrrverandi maki eða sambúðaraðili geti talist í nánu sambandi með brotaþola. Þá segir að slíkt brot geti varðað sex ára fangelsi eða sextán ára, teljist brotið stórfellt. Voru sundur og saman og bjuggu saman í „kommúnu“ Í dómi Héraðsdóms Reykjavíkur segir um samband fólksins segir að samkvæmt málsgögnum og framburði þeirra virðist í aðalatriðum liggja fyrir að þau hafi kynnst og tekið saman á viðkvæmum tímamótum í lífi konunnar í október árið 2021. Upp frá því hafi þau ýmist verið saman eða sundur sem kærustupar eða vinir en haldið áfram að vera í samskiptum þess á milli. Þannig hafi samband þeirra eða samskipti á einn eða annan hátt verið allt fram í lok ágúst 2023 þegar meint atvik í skóglendinu áttu sér stað. Þá hafi þau að einhverju marki lifað saman kynlífi á meðan þau voru saman og sundur í sambandinu. Einnig yrði ráðið af framburði konunnar fyrir dómi að hún hafi verið ástfangin af Snæþóri Helga. Hið sama yrði ekki sérstaklega ráðið af framburði hans fyrir dómi en margt sé hins vegar óljóst um huglæga afstöðu hans til konunnar og atvika, eins og málsgögn liggi fyrir. Þeim hafi þó borið saman um að þau hafi um tveggja eða þriggja mánaða skeið á fyrri hluta ársins 2022 verið með herbergi á leigu í stóru húsi í og búið í því þar sem fleira fólk var búsett. Yrði ráðið að þar hafi verið um að ræða óskráða sambúð og/eða sameiginlega búsetu í kommúnu í stuttan og afmarkaðan tíma. Af framburði þeirra yrði hvorki ráðið að þau hafi að öðru leyti búið saman né að fjárhagur þeirra hafi nokkurn tímann náð því að vera sameiginlegur. Því hafi ekki verið unnt að fallast á að þau hefðu verið í nánu sambandi í skilningi laganna. Hringdi æstur í móður brotaþola eftir árásina Í kafla dómsins um ákvörðun refsingar Snæþórs Helga segir að brot hans hafi beinst að að mikilvægum hagsmunum konunnar og grófleiki og hættustig brotanna hafi verið með meira móti. Þá hafi orðið töluvert líkamstjón og mikil sálræn vanlíðan eftir á hjá konunni vegna af háttseminnar. Horfi allt framangreint til refsiþyngingar. Þá bera brot hans með sér hátt ásetningsstig og horfi það jafnframt til refsiþyngingar. Þá beri að líta til þess, til refsiþyngingar, að Snæþór Helgi hafi sett sig í símasamband við móður konunnar að nóttu til, vanstilltur, í framhaldi af árás á konuna. Manneskju sem hann hafði ekki verið í neinum samskiptum við áður, með ónæði og ama sem því fylgir fyrir aðstandanda, og dóttir hennar á sama tíma talsvert slösuð og innlögð á sjúkrahúsi. Í framburði móður konunnar fyrir dómi sagðist hún hafa spurt Snæþór Helga hvort hann væri maðirinn sem hefði verið að „buffa“ dóttur hennar svo mánuðum skipti. Hann hafi þá skellt á en haldið áfram að senda henni skilaboð. Sem áður segir var Snæþór Helgi dæmdur til fjögurra ára óskilorðsbundinnar fangelsisvistar. Frá henni regst þó gæsluvarðhald sem hann hefur sætt óslitið frá 4. september árið 2023. Þá var hann dæmdur til að greiða konunni 2,5 milljónir í miskabætur en hún hafði farið fram tíu milljónir króna. Loks var hann dæmdur til að greiða alls 5, 2 milljónir króna í sakarkostnað, þar af tvo þriðju málsvarnarlauna verjanda hans, sem voru fimm milljónir króna, og tvo þriðju þóknunar réttargæslumanns konunnar, sem voru tvær milljónir króna. Fjögur ár ekki nóg Í úrskurði Landsréttar segir að ákæruvaldið hafi krafist áframhaldandi gæsluvarðhalds á grundvelli ákvæðis laga um meðferð sakamála, sem kveður á um að heimilt sé að úrskurða sakborning í gæsluvarðhald ef sterkur grunur leikur á að hann hafi framið afbrot sem að lögum getur varðað 10 ára fangelsi, enda sé brotið þess eðlis að ætla megi varðhald nauðsynlegt með tilliti til almannahagsmuna. Í úrskurðinum segir að að virtri niðurstöðu málsins í héraði, sem ekki liggi fyrir hvort verði áfrýjað, og dómaframkvæmd yrði ekki fallist á að viðhlítandi rök hafi verið færð fyrir því að nauðsynlegt sé að Snæþór Helgi sæti áfram gæsluvarðhaldi með tilliti til almannahagsmuna. Talinn líklegur til áframhaldandi brota Í staðfestum úrskurði Héraðsdóms Reykjavíkur frá byrjun nóvember sagði að Snæþór Helgi þætti mjög líklegur til að beita konuna frekara ofbeldi fengi hann að ganga laus. Sú niðurstaða hafi verið byggð á áhættumati á manninum vegna brota í nánu sambandi, sem lögregla hafi framkvæmt. Í matsgerð hafi komið fram að „mjög mikil hætta“ væri á áframhaldandi ofbeldishegðun af hans hálfu. Níu af tíu svokölluðum áhættuþáttum hafi verið metnir til staðar hjá honum. Vegna þess og vegna alvarleika meints brots hans hafi lögregla metið það svo að umtalsverðar líkur væru á áframhaldandi lífshættulegu ofbeldi hans gagnvart konunni. Fréttin hefur verið uppfærð.
Dómsmál Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira