Barcelona mis­steig sig á heima­velli gegn botn­liði

Barcelona gerði aðeins jafntefli við Granada í miklum markaleik á heimavelli meistaranna í kvöld. Barcelona er nú tíu stigum á eftir toppliði Real Madrid.

Titilvörn Barcelona hefur gengið frekar illa og liðið hefur verið að elta erkifjendur sína í Real Madrid allt tímabilið. Leikurinn í kvöld gegn Granada var skyldusigur enda Granada í næst neðsta sæti deildarinnar fyrir leikinn.

Ungstirnið Lamine Yamal kom Barca í 1-0 á 14. mínútu en Granda jafnaði skömmu fyrir hálfleik með marki Ricard Sanchez.

Staðan í hálfleik var 1-1 en í síðari hálfleik þurfti Barcelona í tvígang að koma til baka til að ná stiginu. Facundo Pellestri kom Granda í 2-1 á 60. mínútu en Robert Lewandowski jafnaði aðeins tveimur mínútum síðar. Á 66. mínútu kom Ignasi Miquel Granada yfir á nýjan leik en Yamal jafnaði á 81. mínútu og allt í járnum.

Þrátt fyrir átta mínútur í uppbótartíma tókst Barcelona ekki að koma inn sigurmarki. Lokatölur 3-3 og Katalóníuliðið er því tíu stigum á eftir Real Madrid og fimm á eftir spútnikliði Giorna.