Willum með tvö í sigri Go Ahead Eagles

Fyrir leikinn var Go Ahead Eagles í fimmta sæti deildarinnar með 15 stig á meðan mótherjar þeirra Vitesse voru í sextánda sætinu.

Það var Willum Þór sem kom Go Ahead Eagles á bragðið í blálokin í fyrri hálfleiknum með marki og var staðan 1-0 í hálfleik.

Í seinni hálfleiknum gengu Willum og liðsfélagar hans hins vegar á lagið og skoruðu fjögur önnur mörk.  Fyrst skoruðu þeir Oliver Evdvarsen og Viktor Edvarsen sitthvort markið áður en Marco Van Ginkel minnkaði muninn fyrir Vitesse, 1-3.

Willum Þór skoraði síðan sitt annað mark á 80. mínútu áður en Joris Kramer batt enda á markaskorun liðsins með marki á 86. mínútu.

Lokatölur 5-1 fyrir Go Ahead Eagles og er liðið komið með 18 stig en situr ennþá í fimmta sætinu.