Fótbolti

Cecilía missir af næstu landsleikjum

Ingvi Þór Sæmundsson skrifar
Cecilía Rán Rúnarsdóttir verður á hliðarlínunni næstu mánuðina.
Cecilía Rán Rúnarsdóttir verður á hliðarlínunni næstu mánuðina. getty/Christian Hofer

Cecilía Rán Rúnarsdóttir, landsliðsmarkvörður í fótbolta, verður frá keppni næstu mánuðina eftir að hafa meiðst illa á hné.

Lið hennar, Bayern München, greinir frá því að Cecilía og Weronika Zawistowska hafi meiðst á hné á æfingu í vikunni. Zawistowska sleit krossband í hné á meðan hnéskel Cecilíu fór úr lið. Þær verða báðar frá keppni í nokkra mánuði.

Vegna meiðslanna mun Cecilía missa af leikjum Íslands í Þjóðadeildinni í haust. Ísland mætir Wales og Þýskalandi í september, Danmörku og Þýskalandi í október og Wales og Danmörku í desember.

Cecilía, sem er tvítug, hefur leikið ellefu A-landsleiki. Hún hefur verið í herbúðum Bayern frá því í ársbyrjun 2022.

Þýski boltinn Landslið kvenna í fótbolta Þjóðadeild kvenna í fótbolta

Mest lesið


Fleiri fréttir

Sjá meira


×

Mest lesið