Southampton liggur lítið á að selja miðjumanninn unga sem þeir líta á sem framtíðarstjörnu en hann á fjögur ár eftir af samningi sínum við liðið. Stjórnendur liðsins, með Jason Wilcox fremstan í flokki, hafa því skellt 50 milljón punda verðmiða á piltinn og höfnuðu í dag tilboði Liverpool sem hljóðaði upp á 40 milljónir.
Lavia kom til Southampton frá Manchester City fyrir ári síðan og kostaði þá 12,5 milljónir punda. Ef af sölunni verður munu City fá í sinn hlut 20% af kaupverðinu en þá hefur einnig verið greint frá að City eigi forkaupsrétt að Lavia og geti jafnað öll tilboð sem Southampton samþykkir í hann.
Það er þó sennilega bara tímaspursmál hvenær af sölunni verður. Lavia vill sjálfur ganga til liðs við Liverpool og hefur takmarkaðan áhuga á að taka slaginn með Southampton í næst efstu deild en liðið féll úr Úrvalsdeildinni í vor.
