Fótbolti

Rúnar skellti í lás í öruggum sigri

Aron Guðmundsson skrifar
Rúnar Alex Rúnarsson hefur verið aðalmarkvörður íslenska landsliðsins í undanförnum landsliðsverkefnum.
Rúnar Alex Rúnarsson hefur verið aðalmarkvörður íslenska landsliðsins í undanförnum landsliðsverkefnum. Vísir/Getty

Ís­lenski lands­liðs­mark­vörðurinn í knatt­spyrnu, Rúnar Alex Rúnars­son, hélt marki tyrk­neska liðsins Alanya­spor hreinu er liðið vann afar sann­færandi sigur á Kay­seri­spor í tyrk­nesku úr­vals­deildinni í dag.

Sigur Alanya­spor virtist aldrei í hættu en eftir rétt rúman stundar­fjórðung af leiknum var liðið komið tveimur mörkum yfir.

Tvö mörk í seinni hálf­leik inn­sigluðu síðan 4-0 sigur liðsins en hann fleytir Alanya­spor upp í 10.sæti tyrk­nesku deildarinnar þar sem liðið situr með 41 stig eftir 34 leiki.

Rúnar Alex er á láni hjá fé­laginu út yfir­standandi tíma­bil frá enska úr­vals­deildar­fé­laginu Arsenal.

Tyrkneski boltinn

Mest lesið


Fleiri fréttir

Sjá meira


×

Mest lesið