Innlent

Sá sem keyrði inn í Sauð­ár­króks­bakarí laus úr haldi

Kristinn Haukur Guðnason skrifar
Stórt gat er á veggnum og tjónið er gríðarlegt.
Stórt gat er á veggnum og tjónið er gríðarlegt.

Einstaklingurinn sem keyrði í gegnum vegg Sauðárkróksbakarís í gærmorgun er laus úr haldi. Tjónið á bæði húsnæðinu og bílnum verður nú metið.

Sigurður Kristjánsson, aðstoðarsaksóknari hjá Lögreglunni á Norðurlandi vestra, segir að einstaklingnum sem keyrði inn í Sauðárkróksbakarí, hafi verið sleppt úr haldi lögreglunnar.

Ekki verður gefið upp hverjar hugsanlegar sakir viðkomandi sé grunaður um. Það er ekki verður gefið upp hvort hann sé eigandi bílsins né hvort hann sé grunaður um ölvunar eða fíkniefnaakstur. Reyndi hann að flýja af vettvangi en var handsamaður.

Samkvæmt Snorra Stefánssyni, eiganda bakarísins, er tjónið mikið. Gat er á veggnum, vatnsleiðslur fóru í sundur og skemmdir urðu á innréttingum. Mun taka allt að tvo mánuði að laga húsnæðið.

Sigurður segir umfang tjónsins ekki liggja fyrir. Matsmaður frá tryggingarfélagi muni koma og meta það. Einnig liggi ekki fyrir hvert tjónið á bílnum sé, en hann er af gerðinni Mercedes Benz.

Skagafjörður Lögreglumál Bakarí

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið