Erlent

Sprengju kastað að for­sætis­ráð­herra Japans

Árni Sæberg skrifar
Laganna verðir voru fljótir að yfirbuga manninn sem fleygði sprengjunni.
Laganna verðir voru fljótir að yfirbuga manninn sem fleygði sprengjunni. Kyodo News/AP

Fumio Kishida, forsætisráðherra Japans, slapp með skrekkinn þegar sprengju var kastað í átt til hans á kosningafundi í Wakayama í dag. Aðeins níu mánuðir eru síðan fyrrverandi forsætisráðherra landsins var ráðinn af dögum.

Engum varð meint af sprengingunni og lögregla yfirbugaði árásarmanninn á vettvangi á meðan almennir borgarar tóku til fótanna, að því er segir í frétt AP um málið. Myndskeið frá AP af atvikinu má sjá í spilaranum hér að neðan:

 

Ungur karlmaður hefur verið handtekinn að Hirokazu Matsuno, ritara ríkisstjórnar Japans. Hann svaraði ekki spurningum fréttamanna um hagi ódæðismannsins eða hvað vakti fyrir honum þegar hann kastaði sprengju í átt að Kishida. Hann segir það vera til rannsóknar hjá lögreglu.

Japanir eru enn að jafna sig eftir að Shinzo Abe, fyrrverandi forsætisráðherra Japans til níu ára, var ráðinn af dögum á kosningafundi í Nara fyrir um níu mánuðum.

Abe var að styðja frambjóðanda flokks síns í Nara þegar hann var myrtur en Kishida var að gera slíkt hið sama í Wakayama, þegar sprengjunni var kastað í átt að honum. Málið hefur eins og gefur að skilja vakið mikinn óhug í landinu.

Japan Morðið á Shinzo Abe
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið