Sérstök valnefnd lagði það til við sænska sambandið að Reinfeldt væri besti kosturinn.
„Við höfum hlustað á alla og höfðum á endanum tekið þá ákvörðun að tillaga nefndarinnar til þessarar stöðu í sænska knattspyrnusambandinu sé Fredrik Reinfeldt,“ segir í greinargerð nefndarinnar.
JUST NU: Fredrik Reinfeldt föreslås som ny ordförande för svenska fotbollförbundet https://t.co/Lk5s8TmRo1
— SportExpressen (@SportExpressen) February 15, 2023
Sænska knattspyrnusambandið kýs nýjan forseta 25. mars næstkomandi. Karl-Erik Nilsson hefur verið forseti frá 2012 en ákvað að hætta í ár.
Fredrik Reinfeldt, sem er frá Stokkhólmi, er 57 ára gamall en hann var forsætisráðherra Svíþjóðar frá 2006 til 2014. Hann varð á sínum tíma sá þriðji yngsti til að gegna þessari stöðu en Reinfeldt var 41 árs þegar hann tók við.
Reinfeldt er harður stuðningsmaður Djurgårdens IF og mikill fótboltaáhugamaður.
Fredrik Reinfeldt är valberedningens förslag till ny ordförande i Svenska fotbollförbundet.https://t.co/AtbVHjWC5c pic.twitter.com/TDg9ekfeOF
— DN Sport (@DN_Sport) February 15, 2023