Við hefjum leik á upphitun fyrir leiki dagsins á Blast Premier mótaröðinni í CS:GO klukkan 13:30 á Stöð 2 eSport. Fyrri leikur dagsins hefst svo klukkan 14:00 og sá síðari klukkan 17:30.
Rafíþróttirnar hafa þó ekki lokið sér af eftir leiki dagsins í Blast Premier því stelpurnar í Babe Patrol verða á sínum stað með sinn vikulega þátt á Stöð 2 eSport klukkan 21:00.
Þá tekur Grindavík á móti Breiðablik í Subway-deild kvenna klukkan 18:05 á Stöð 2 Sport áður en Haukar sækja Keflavík heim klukkan 20:05.
