Bíó og sjónvarp

Dalvík verður að Ennis í nokkra daga

Bjarki Sigurðsson skrifar
Dalvík verður að bænum Ennis í Alaska í nokkra daga um mánaðamótin.
Dalvík verður að bænum Ennis í Alaska í nokkra daga um mánaðamótin. Vísir/Egill

Hluti Dalvíkur verður á næstu dögum að bænum Ennis í nokkra daga. Tökur á þáttunum True Detective fara þar fram um mánaðamótin.

Tökur af nýrri þáttaröð True Detective hafa farið fram um land allt síðustu mánuði, meðal annars í Reykjavík, Vogum á Vatnsleysuströnd og Keflavík. Stórleikonan Jodie Foster fer með aðalhlutverk þáttanna en framleiðslukostnaður þáttanna er um níu milljarðar króna. 

Á næstu dögum hefjast tökur á þáttunum á Dalvík. Nú er unnið að því breyta bænum í bæinn Ennis í Alaska. Flokkur að fólki vinnur að því að setja upp sviðsmyndir fyrir tökur á þáttunum. 

Eitthvað verður um götulokanir í bænum en verða þær framkvæmdar í samstarfi við Vegagerðina. Einhverjir bæjarbúar hafa verið beðnir um að leika aukahlutverk í þáttunum. 

Þættirnir verða sýndir hjá HBO en íslenska framleiðslufyrirtækið True North kemur að tökunum hér á landi. Leifur Dagfinnsson, eigandi og framkvæmdastjóri True North, sagði í Kastljósi á síðasta ári að verkefnið væri svona tíu sinnum stærra en týpísk verkefni fyrirtækisins fyrir erlend kvikmyndatökulið.


Tengdar fréttir

Jólin koma snemma með Jodie Foster í Skautahöllinni

Jólin koma snemma í Skautahöllinni í Reykjavík í ár. Samkvæmt heimildum fréttastofu eru tökur á atriðum í sjónvarpsþáttaröðinni True Detective fyrirhugaðar þar í næstu viku.

Jólin koma snemma með Jodie Foster í Skautahöllinni

Jólin koma snemma í Skautahöllinni í Reykjavík í ár. Samkvæmt heimildum fréttastofu eru tökur á atriðum í sjónvarpsþáttaröðinni True Detective fyrirhugaðar þar í næstu viku.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.