Foreldrar Giovanni Reyna klöguðu Berhalter eftir ummæli hans um soninn Smári Jökull Jónsson skrifar 4. janúar 2023 22:31 Gregg Berhalter á hliðarlínunni í leik Bandaríkjanna og Hollands á heimsmeistaramótinu í Katar. Vísir/Getty Það er alvöru sápuópera komin í gang í kringum bandaríska karlalandsliðið í knattspyrnu. Eftir yfirlýsingu þjálfarans Gregg Berhalter í morgun hafa foreldrar Giovanni Reyna nú stigið fram og sagt frá sinni hlið á málinu. Í morgun barst yfirlýsing frá Gregg Berhalter, þjálfara bandaríska knattspyrnulandsliðsins, þar sem hann viðurkenndi að hafa sparkað í eiginkonu sína þegar þau voru táningar. Bandaríska knattspyrnusambandið hefur hafið rannsókn á málinu en í sameiginlegri yfirlýsingu Berhalter og konu hans Rosalind segist hann enga afsökun hafa fyrir því sem gerðist á sínum tíma. Atvikið átti sér stað árið 1991. Í yfirlýsingunni kom einnig fram að einstaklingur hafi haft samband við bandaríska knattspyrnusambandið á meðan á heimsmeistaramótinu í Katar stóð og hótað því að „taka hann niður“. Nú hefur Danielle Reyna, móðir Giovanni Reyna leikmanns bandaríska landsliðsins og eiginkona fyrrum landsliðsmannsins Claudio Reyna, stigið fram og sagt að það sé hún sem hafi tilkynnt forráðamönnum knattspyrnusambandsins um fortíð Berhalter. Hún segir að það hafi hún gert því hún hafi verið pirruð vegna ummæla Berhalter um son hennar Giovanni eftir heimsmeistaramótið. Þá sagði Berhalter að einn leikmaður liðsins hafi verið nálægt því að vera sendur heim frá Katar þar sem hann hafi hvorki staðist væntingar innan né utan vallar. Berhalter nafngreindi ekki umræddan leikmann en strax var talið að hann væri að ræða um Reyna og leikmaðurinn staðfesti það svo sjálfur í innleggi á Instagram daginn eftir. Reyna sagði þá frá því að í Katar hafi hann beðið þjálfarann og liðsfélaga sína afsökunar og fengið fyrirgefningu. Pabbinn viðraði óánægju sína við forráðamenn landsliðsins Giovanni Reyna fékk þau skilaboð frá Berhalter rétt fyrir fyrsta leik Bandaríkjanna að hann yrði í takmörkuðu hlutverki hjá liðinu í Katar. Í kjölfarið sendi Claudio Reyna, faðir Giovanni, skilaboð á Brian McBride sem er framkvæmdastjóri knattspyrnusambandsins og Earnie Stewart yfirmann knattspyrnumála þar sem hann lýsti yfir vonbrigðum sínum með stöðu mála. Í frétt ESPN kemur fram að samkvæmt þeirra heimildum hafi Reyna hótað því að opinbera um ofbeldisfortíð Berhalter á meðan á mótinu í Katar stóð. Reyna neitar þó að hafa hótað Berhalter á nokkurn hátt. Danielle Reyna's statement on the entire situation.(via @PaulTenorio, @TheAthletic) pic.twitter.com/Wt6PiMinRI— USMNT Only (@usmntonly) January 4, 2023 „Í Katar deildi ég svekkelsi mínu varðandi þátttöku sonar míns á heimsmeistaramótinu með nánum vinum mínum, meðal annars Earnie og Brian McBride. Ég hótaði aldrei neinum og myndi aldrei gera það,“ sagði Reyna í yfirlýsingu hans og Danielle Reyna sem þau gáfu út í dag. Í yfirlýsingunni kemur fram að Danielle Reyna hafi verið ósátt með ummæli Berhalter þann 11.desember, eftir að þátttöku Bandaríkjanna í Katar lauk, þar sem Giovanni hefði beðist afsökunar á hegðun sinni á meðan á mótinu stóð. Hún hafi því ákveðið að deila upplýsingunum um atvikið árið 1991 með forsvarsmönnum landsliðsins. „Mér fannst sérstaklega ósanngjarnt gagnvart Gio, sem baðst afsökunar fyrir barnalega hegðun vegna spiltíma hans, að enn væri verið að sverta nafn hans eftir að Gregg hafði beðið um og fengið fyrirgefningu eftir að hafa gert mun verri hluti á sama aldri.“ Hafa þekkst í fjöldamörg ár Claudio Reyna, sem nú er yfirmaður knattspyrnumála hjá Austin FC, hefur þekkt Gregg Berhalter í áratugi. Þeir spiluðu saman fótbolta sem börn sem og í framhaldsskóla og léku á sama tíma í bandaríska landsliðinu. Danielle Reyna og Rosalind Berhalter voru liðsfélagar hjá háskólanum í Norður Karólínu í fjögur ár og tengingin því sterk á milli fjölskyldnanna. Danielle Reyna segir að yfirlýsing Berhalter hjónanna um atvikið árið 1991 geri lítið úr atvikinu. Claudio Reyna and Gregg Berhalter grew up together in NJ. They were teammates from youth soccer days, high school, and then of course the #USMNTTheir wives, Danielle and Rosalind, were also teammates and roommates at UNC Chapel Hill. It s really sad to see what is happening. pic.twitter.com/4tpQt4ydky— Anthony (@anthonykyaw) January 4, 2023 „Án þess að fara út í smáatriði þá gerir yfirlýsingin lítið út atvikinu þetta umrædda kvöld. Rosalind Berhalter var herbergisfélagi minn og mín besta vinkona og ég studdi hana í gegnum erfiðleikana sem fylgdu í kjölfar þess.“ „Það tók mig langan tíma að fyrirgefa Gregg í kjölfarið, en ég lagði mig hart fram við að veita honum fyrirgefningu og þau og börnin þeirra hafa verið stór hluti af lífi fjölskyldu minnar. Ég hefði viljað og bjóst við að hann fyrirgæfi Gio á sama hátt. Þess vegna er núverandi staða mjög særandi og erfið.“ HM 2022 í Katar Mest lesið Eiginkona Diogo Jota með vasaklútaskilaboð Enski boltinn Drukknaði í sundlaug og andlátið úrskurðað sem slys Fótbolti Karlremban Chicharito í klandri Fótbolti Zubimendi fór ekki til Liverpool af því að hann vildi gæðaþjálfara Enski boltinn Þreyttur á fallbaráttu og furðulegum ákvörðunum Körfubolti „Stærsta hindrunin er einræði Infantino“ Fótbolti Segir að Trump hafi stungið gullmedalíu inn á sig Fótbolti Isak fer ekki í æfingaferðina Enski boltinn Mario og Jaka í æfingahópnum fyrir EM Körfubolti Þjálfarinn sagði ekki af sér: Brotist inn í tölvupóstinn hans Fótbolti Fleiri fréttir „Það verða færi og bæði lið þurfa að vera klók“ Hallgrímur átti auðvelt með að lesa gamlan læriföður „Stærsta hindrunin er einræði Infantino“ Drukknaði í sundlaug og andlátið úrskurðað sem slys Isak fer ekki í æfingaferðina Son eftirsóttur í LA og Tottenham tilbúið að selja en ekki strax Karlremban Chicharito í klandri Zubimendi fór ekki til Liverpool af því að hann vildi gæðaþjálfara Þjálfarinn sagði ekki af sér: Brotist inn í tölvupóstinn hans Segir að Trump hafi stungið gullmedalíu inn á sig Eiginkona Diogo Jota með vasaklútaskilaboð Fabregas útilokar ekki að Messi spili fyrir hann hjá Como Spánverjar í úrslitaleikinn: Bonmatí sýndi af hverju hún er best í heimi Undrabarn Barcelona hefur stækkað um tíu sentimetra Sjáðu Stefán Inga skora fyrstu þrennu Íslendings í næstum því fimm ár Yfirlýsing frá KSÍ: Þrengt að þjóðarleikvanginum Freyr ósáttur með dómarann: „Svo slæmt að ég er orðlaus“ Rashford kynntur hjá Barcelona: „Eins og ég sé kominn heim“ Uppgjör: Silkeborg-KA 1-1 | Töfrar Hallgríms tryggðu KA frábær úrslit Sævar Atli kom Brann yfir en niðurstaðan slæmur skellur Liverpool staðfestir Ekitike og fljúga honum strax til Hong Kong Fyrsti bikar í húsi hjá Arsenal Cosic kominn í KR-búninginn Þorsteinn líklega áfram með landsliðið Fer ekki á stórmót án þess að fara í úrslit Sjáðu rauða spjaldið og vítin fjögur úr slátrun Lech á Blikum Brynjar Ingi í þýsku B-deildina Xhaka of mikilvægur til að selja til Sunderland Ballið ekki búið hjá Breiðabliki „Meiri áhrif frá Arnari Gunnlaugssyni heldur en Svíþjóð“ Sjá meira
Í morgun barst yfirlýsing frá Gregg Berhalter, þjálfara bandaríska knattspyrnulandsliðsins, þar sem hann viðurkenndi að hafa sparkað í eiginkonu sína þegar þau voru táningar. Bandaríska knattspyrnusambandið hefur hafið rannsókn á málinu en í sameiginlegri yfirlýsingu Berhalter og konu hans Rosalind segist hann enga afsökun hafa fyrir því sem gerðist á sínum tíma. Atvikið átti sér stað árið 1991. Í yfirlýsingunni kom einnig fram að einstaklingur hafi haft samband við bandaríska knattspyrnusambandið á meðan á heimsmeistaramótinu í Katar stóð og hótað því að „taka hann niður“. Nú hefur Danielle Reyna, móðir Giovanni Reyna leikmanns bandaríska landsliðsins og eiginkona fyrrum landsliðsmannsins Claudio Reyna, stigið fram og sagt að það sé hún sem hafi tilkynnt forráðamönnum knattspyrnusambandsins um fortíð Berhalter. Hún segir að það hafi hún gert því hún hafi verið pirruð vegna ummæla Berhalter um son hennar Giovanni eftir heimsmeistaramótið. Þá sagði Berhalter að einn leikmaður liðsins hafi verið nálægt því að vera sendur heim frá Katar þar sem hann hafi hvorki staðist væntingar innan né utan vallar. Berhalter nafngreindi ekki umræddan leikmann en strax var talið að hann væri að ræða um Reyna og leikmaðurinn staðfesti það svo sjálfur í innleggi á Instagram daginn eftir. Reyna sagði þá frá því að í Katar hafi hann beðið þjálfarann og liðsfélaga sína afsökunar og fengið fyrirgefningu. Pabbinn viðraði óánægju sína við forráðamenn landsliðsins Giovanni Reyna fékk þau skilaboð frá Berhalter rétt fyrir fyrsta leik Bandaríkjanna að hann yrði í takmörkuðu hlutverki hjá liðinu í Katar. Í kjölfarið sendi Claudio Reyna, faðir Giovanni, skilaboð á Brian McBride sem er framkvæmdastjóri knattspyrnusambandsins og Earnie Stewart yfirmann knattspyrnumála þar sem hann lýsti yfir vonbrigðum sínum með stöðu mála. Í frétt ESPN kemur fram að samkvæmt þeirra heimildum hafi Reyna hótað því að opinbera um ofbeldisfortíð Berhalter á meðan á mótinu í Katar stóð. Reyna neitar þó að hafa hótað Berhalter á nokkurn hátt. Danielle Reyna's statement on the entire situation.(via @PaulTenorio, @TheAthletic) pic.twitter.com/Wt6PiMinRI— USMNT Only (@usmntonly) January 4, 2023 „Í Katar deildi ég svekkelsi mínu varðandi þátttöku sonar míns á heimsmeistaramótinu með nánum vinum mínum, meðal annars Earnie og Brian McBride. Ég hótaði aldrei neinum og myndi aldrei gera það,“ sagði Reyna í yfirlýsingu hans og Danielle Reyna sem þau gáfu út í dag. Í yfirlýsingunni kemur fram að Danielle Reyna hafi verið ósátt með ummæli Berhalter þann 11.desember, eftir að þátttöku Bandaríkjanna í Katar lauk, þar sem Giovanni hefði beðist afsökunar á hegðun sinni á meðan á mótinu stóð. Hún hafi því ákveðið að deila upplýsingunum um atvikið árið 1991 með forsvarsmönnum landsliðsins. „Mér fannst sérstaklega ósanngjarnt gagnvart Gio, sem baðst afsökunar fyrir barnalega hegðun vegna spiltíma hans, að enn væri verið að sverta nafn hans eftir að Gregg hafði beðið um og fengið fyrirgefningu eftir að hafa gert mun verri hluti á sama aldri.“ Hafa þekkst í fjöldamörg ár Claudio Reyna, sem nú er yfirmaður knattspyrnumála hjá Austin FC, hefur þekkt Gregg Berhalter í áratugi. Þeir spiluðu saman fótbolta sem börn sem og í framhaldsskóla og léku á sama tíma í bandaríska landsliðinu. Danielle Reyna og Rosalind Berhalter voru liðsfélagar hjá háskólanum í Norður Karólínu í fjögur ár og tengingin því sterk á milli fjölskyldnanna. Danielle Reyna segir að yfirlýsing Berhalter hjónanna um atvikið árið 1991 geri lítið úr atvikinu. Claudio Reyna and Gregg Berhalter grew up together in NJ. They were teammates from youth soccer days, high school, and then of course the #USMNTTheir wives, Danielle and Rosalind, were also teammates and roommates at UNC Chapel Hill. It s really sad to see what is happening. pic.twitter.com/4tpQt4ydky— Anthony (@anthonykyaw) January 4, 2023 „Án þess að fara út í smáatriði þá gerir yfirlýsingin lítið út atvikinu þetta umrædda kvöld. Rosalind Berhalter var herbergisfélagi minn og mín besta vinkona og ég studdi hana í gegnum erfiðleikana sem fylgdu í kjölfar þess.“ „Það tók mig langan tíma að fyrirgefa Gregg í kjölfarið, en ég lagði mig hart fram við að veita honum fyrirgefningu og þau og börnin þeirra hafa verið stór hluti af lífi fjölskyldu minnar. Ég hefði viljað og bjóst við að hann fyrirgæfi Gio á sama hátt. Þess vegna er núverandi staða mjög særandi og erfið.“
HM 2022 í Katar Mest lesið Eiginkona Diogo Jota með vasaklútaskilaboð Enski boltinn Drukknaði í sundlaug og andlátið úrskurðað sem slys Fótbolti Karlremban Chicharito í klandri Fótbolti Zubimendi fór ekki til Liverpool af því að hann vildi gæðaþjálfara Enski boltinn Þreyttur á fallbaráttu og furðulegum ákvörðunum Körfubolti „Stærsta hindrunin er einræði Infantino“ Fótbolti Segir að Trump hafi stungið gullmedalíu inn á sig Fótbolti Isak fer ekki í æfingaferðina Enski boltinn Mario og Jaka í æfingahópnum fyrir EM Körfubolti Þjálfarinn sagði ekki af sér: Brotist inn í tölvupóstinn hans Fótbolti Fleiri fréttir „Það verða færi og bæði lið þurfa að vera klók“ Hallgrímur átti auðvelt með að lesa gamlan læriföður „Stærsta hindrunin er einræði Infantino“ Drukknaði í sundlaug og andlátið úrskurðað sem slys Isak fer ekki í æfingaferðina Son eftirsóttur í LA og Tottenham tilbúið að selja en ekki strax Karlremban Chicharito í klandri Zubimendi fór ekki til Liverpool af því að hann vildi gæðaþjálfara Þjálfarinn sagði ekki af sér: Brotist inn í tölvupóstinn hans Segir að Trump hafi stungið gullmedalíu inn á sig Eiginkona Diogo Jota með vasaklútaskilaboð Fabregas útilokar ekki að Messi spili fyrir hann hjá Como Spánverjar í úrslitaleikinn: Bonmatí sýndi af hverju hún er best í heimi Undrabarn Barcelona hefur stækkað um tíu sentimetra Sjáðu Stefán Inga skora fyrstu þrennu Íslendings í næstum því fimm ár Yfirlýsing frá KSÍ: Þrengt að þjóðarleikvanginum Freyr ósáttur með dómarann: „Svo slæmt að ég er orðlaus“ Rashford kynntur hjá Barcelona: „Eins og ég sé kominn heim“ Uppgjör: Silkeborg-KA 1-1 | Töfrar Hallgríms tryggðu KA frábær úrslit Sævar Atli kom Brann yfir en niðurstaðan slæmur skellur Liverpool staðfestir Ekitike og fljúga honum strax til Hong Kong Fyrsti bikar í húsi hjá Arsenal Cosic kominn í KR-búninginn Þorsteinn líklega áfram með landsliðið Fer ekki á stórmót án þess að fara í úrslit Sjáðu rauða spjaldið og vítin fjögur úr slátrun Lech á Blikum Brynjar Ingi í þýsku B-deildina Xhaka of mikilvægur til að selja til Sunderland Ballið ekki búið hjá Breiðabliki „Meiri áhrif frá Arnari Gunnlaugssyni heldur en Svíþjóð“ Sjá meira