Formaður HSÍ: „Höfum reynt að bregðast við“ Smári Jökull Jónsson skrifar 4. janúar 2023 20:31 Guðmundur B. Ólafsson er formaður HSÍ. Vísir Guðmundur B. Ólafsson formaður HSÍ segir erfitt úr þessu að breyta reglum IHF um viðbrögð sambandsins komi upp kórónuveirusmit á HM handbolta. Hann segir að búið sé að reyna að bregðast við. Mikil umræða er nú í gangi um reglur Alþjóðahandknattleikssambandsins, IHF, um viðbrögð sambandsins komi upp kórónuveirusmit á heimsmeistaramótinu sem hefst í Svíþjóð og Póllandi í næstu viku. Í fyrradag var greint frá því að að leikmenn yrðu skikkaðir í reglulegar skimanir; áður en mótið hefst, fyrir milliriðil og átta liða úrslitin. Greinist menn jákvæðir þurfa þeir að fara í fimm daga einangrun og mega ekki snúa aftur til móts við liðið sitt fyrr en þeir greinast neikvæðir. Fréttirnar hafa vakið hörð viðbrögð og sagði Róbert Geir Gíslason, framkvæmdastjóri HSÍ, að reglurnar valdi forráðamönnum sambandsins miklum áhyggjum en kórónuveiran lék íslenska liðið grátt á Evrópumótinu í janúar á síðasta ári. „Það voru tólf manns, þegar verst lét, í einangrun. Við þurftum að kalla inn leikmenn hægri, vinstri og starfsmenn. Þetta er gríðarlega dýrt, það er ekki hlaupið að því að kalla inn leikmenn,“ sagði Róbert Geir í viðtali sem birt var á Vísi í morgun. Þá hefur Björgvin Páll Gústavsson, markvörður íslenska landsliðsins, skrifað IHF opið bréf á Twitter sem hefur vakið mikla athygli en þar segist hann, ásamt öðrum handboltamönnum, hafa leitað til lögfræðinga vegna möguleika á að leikmenn verði skikkaðir í einangrun vegna kórónuveirunnar. Í því samhengi vísar hann til Mannréttindasáttmála Evrópu sem veiti íþróttafólki sem og öðrum vernd fyrir frelsisskerðingu. „Það er mjög erfitt að breyta þessu“ Guðmundur B. Ólafsson, formaður HSÍ, var í viðtali í kvöldfréttum Stöðvar 2 þar sem fram kom að forráðamenn HSÍ hafi vitað af umræddum reglum í einhvern tíma. „Við erum búnir að vita þetta í einhvern tíma um það hvernig þessar reglur eru og hvaða kröfur eru gerðar og höfum reynt að bregðast við því,“ sagði Guðmundur í viðtali við íþróttafréttamanninn Stefán Árna Pálsson. Guðmundur er ekki sérlega bjartsýnn á að umrædd mótmæli muni hafa tilætluð áhrif. „Þessi ákvörðun er löngu tekin og hún er tekin af stjórn Alþjóðahandknattleikssambandsins. Þar inni eru fulltrúar Evrópu, frá evrópska sambandinu þar sem fjármálastjórinn er frá Svíþjóð og formaður mótanefndar er Dani. Þessi evrópsku sjónarmið og viðhorf gagnvart kórónuveirunni sem við erum með hafa öll komið fram.“ „Það sem við vorum að setja mest út á er að það ætti að taka próf eftir riðilinn og fyrir milliriðilinn, við teljum að það sé mesta áhættan í þessu. Í samstarfi við aðrar þjóðir eins og Danmörku, Spán, Frakkland og fleiri þá vildum við fá þessu aflétt. Því var bara hafnað án allra raka. Það er mjög erfitt að breyta þessu.“ Guðmundur segist vera mjög ósáttur við aðferðina sem sé beitt. Á EM kvenna í handbolta hafi aðeins verið tekið próf fyrir mótið og ekkert virðist hafa verið gert á heimsmeistaramótinu í knattspyrnu í Katar. „Eflaust er litið á þetta öðruvísi í öðrum heimsálfum þar sem bólusetningar hafa ekki verið eins miklar og hér. Ef við horfum á þetta út frá Evrópu og stöðunni í Evrópu þá erum við mjög ósáttir og teljum þetta algjöran óþarfa. Svíarnir, þar sem þetta mót er, þeir hafa verið með vægustu reglurnar hvað varðar kórónuveiruna.“ Klippa: Viðtal við Guðmund B. Ólafsson Hann segir að í endann snúist þetta um að halda mótið og það sama og umræðan snerist um hér á Íslandi síðustu misseri, annars vegar að vernda þá sem eru viðkvæmari og á hinn vegin að þrengja frelsi hinna. „Þetta er umræða sem við höfum verið að taka sjálf undanfarin tvö ár og sitt sýnist hverjum. Ég skil vel að okkur bregði miðað við það hvernig umhverfi við erum að lifa við í dag, þá bregður okkur við svona strangar reglur.“ Allt viðtalið við Guðmund má sjá í spilaranum hér að ofan. HM 2023 í handbolta Faraldur kórónuveiru (COVID-19) Landslið karla í handbolta Mest lesið Boxari lést tveimur vikum eftir að hafa gift sig Sport Frakkar sjokkeraðir vegna hópsins sem kemur til Íslands Fótbolti Reka 200 manns eftir tapið fyrir Tottenham Enski boltinn Fyrrverandi leikmaður Man. Utd hlaut fjórtán mánaða dóm Enski boltinn Skandall skekur sigursælasta liðið fyrir stærsta kappakstur ársins Sport Hundruð milljóna í bónus en gæti þurft að finna sér nýja vinnu Fótbolti Finnur fyrir miklum létti: „Algjört andlegt rugl“ Körfubolti Klopp snýr aftur á Anfield Enski boltinn Eru klárlega með gæði til að spila í efstu deild Þýskalands Körfubolti Blóðgaði dómara Körfubolti Fleiri fréttir Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði Sjá meira
Mikil umræða er nú í gangi um reglur Alþjóðahandknattleikssambandsins, IHF, um viðbrögð sambandsins komi upp kórónuveirusmit á heimsmeistaramótinu sem hefst í Svíþjóð og Póllandi í næstu viku. Í fyrradag var greint frá því að að leikmenn yrðu skikkaðir í reglulegar skimanir; áður en mótið hefst, fyrir milliriðil og átta liða úrslitin. Greinist menn jákvæðir þurfa þeir að fara í fimm daga einangrun og mega ekki snúa aftur til móts við liðið sitt fyrr en þeir greinast neikvæðir. Fréttirnar hafa vakið hörð viðbrögð og sagði Róbert Geir Gíslason, framkvæmdastjóri HSÍ, að reglurnar valdi forráðamönnum sambandsins miklum áhyggjum en kórónuveiran lék íslenska liðið grátt á Evrópumótinu í janúar á síðasta ári. „Það voru tólf manns, þegar verst lét, í einangrun. Við þurftum að kalla inn leikmenn hægri, vinstri og starfsmenn. Þetta er gríðarlega dýrt, það er ekki hlaupið að því að kalla inn leikmenn,“ sagði Róbert Geir í viðtali sem birt var á Vísi í morgun. Þá hefur Björgvin Páll Gústavsson, markvörður íslenska landsliðsins, skrifað IHF opið bréf á Twitter sem hefur vakið mikla athygli en þar segist hann, ásamt öðrum handboltamönnum, hafa leitað til lögfræðinga vegna möguleika á að leikmenn verði skikkaðir í einangrun vegna kórónuveirunnar. Í því samhengi vísar hann til Mannréttindasáttmála Evrópu sem veiti íþróttafólki sem og öðrum vernd fyrir frelsisskerðingu. „Það er mjög erfitt að breyta þessu“ Guðmundur B. Ólafsson, formaður HSÍ, var í viðtali í kvöldfréttum Stöðvar 2 þar sem fram kom að forráðamenn HSÍ hafi vitað af umræddum reglum í einhvern tíma. „Við erum búnir að vita þetta í einhvern tíma um það hvernig þessar reglur eru og hvaða kröfur eru gerðar og höfum reynt að bregðast við því,“ sagði Guðmundur í viðtali við íþróttafréttamanninn Stefán Árna Pálsson. Guðmundur er ekki sérlega bjartsýnn á að umrædd mótmæli muni hafa tilætluð áhrif. „Þessi ákvörðun er löngu tekin og hún er tekin af stjórn Alþjóðahandknattleikssambandsins. Þar inni eru fulltrúar Evrópu, frá evrópska sambandinu þar sem fjármálastjórinn er frá Svíþjóð og formaður mótanefndar er Dani. Þessi evrópsku sjónarmið og viðhorf gagnvart kórónuveirunni sem við erum með hafa öll komið fram.“ „Það sem við vorum að setja mest út á er að það ætti að taka próf eftir riðilinn og fyrir milliriðilinn, við teljum að það sé mesta áhættan í þessu. Í samstarfi við aðrar þjóðir eins og Danmörku, Spán, Frakkland og fleiri þá vildum við fá þessu aflétt. Því var bara hafnað án allra raka. Það er mjög erfitt að breyta þessu.“ Guðmundur segist vera mjög ósáttur við aðferðina sem sé beitt. Á EM kvenna í handbolta hafi aðeins verið tekið próf fyrir mótið og ekkert virðist hafa verið gert á heimsmeistaramótinu í knattspyrnu í Katar. „Eflaust er litið á þetta öðruvísi í öðrum heimsálfum þar sem bólusetningar hafa ekki verið eins miklar og hér. Ef við horfum á þetta út frá Evrópu og stöðunni í Evrópu þá erum við mjög ósáttir og teljum þetta algjöran óþarfa. Svíarnir, þar sem þetta mót er, þeir hafa verið með vægustu reglurnar hvað varðar kórónuveiruna.“ Klippa: Viðtal við Guðmund B. Ólafsson Hann segir að í endann snúist þetta um að halda mótið og það sama og umræðan snerist um hér á Íslandi síðustu misseri, annars vegar að vernda þá sem eru viðkvæmari og á hinn vegin að þrengja frelsi hinna. „Þetta er umræða sem við höfum verið að taka sjálf undanfarin tvö ár og sitt sýnist hverjum. Ég skil vel að okkur bregði miðað við það hvernig umhverfi við erum að lifa við í dag, þá bregður okkur við svona strangar reglur.“ Allt viðtalið við Guðmund má sjá í spilaranum hér að ofan.
HM 2023 í handbolta Faraldur kórónuveiru (COVID-19) Landslið karla í handbolta Mest lesið Boxari lést tveimur vikum eftir að hafa gift sig Sport Frakkar sjokkeraðir vegna hópsins sem kemur til Íslands Fótbolti Reka 200 manns eftir tapið fyrir Tottenham Enski boltinn Fyrrverandi leikmaður Man. Utd hlaut fjórtán mánaða dóm Enski boltinn Skandall skekur sigursælasta liðið fyrir stærsta kappakstur ársins Sport Hundruð milljóna í bónus en gæti þurft að finna sér nýja vinnu Fótbolti Finnur fyrir miklum létti: „Algjört andlegt rugl“ Körfubolti Klopp snýr aftur á Anfield Enski boltinn Eru klárlega með gæði til að spila í efstu deild Þýskalands Körfubolti Blóðgaði dómara Körfubolti Fleiri fréttir Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði Sjá meira