Suarez samdi við Gremio sem spilar í A-deildinni í Brasilíu. Samningurinn er til ársloka 2024.
ELE VEIO! 2023 vem aí e, com ele, @LuisSuarez9! O atacante uruguaio é o novo #ReforçoTricolor para os desafios da próxima temporada. Um dos maiores do futebol mundial no maior do Sul!
— Grêmio FBPA (@Gremio) December 31, 2022
Leia em: https://t.co/ACJSOmBYiE pic.twitter.com/YRQiPaRjTe
Suarez kemur á frjálsri sölu en hann var laus allra mála eftir að hafa hjálpað æskufélagi sínu Nacional að vinna meistaratitilinn í Úrúgvæ í október. Suarez eyddi þremur mánuðum í Úrúgvæ en tilkynnti svo fyrir HM að hann væri að leita sér að nýju félagi.
Hinn 35 ára gamli Suarez, skoraði átta mörk í sextán leikjum með Nacional en áður gerði hann flotta hluti í Evrópu með Ajax Amsterdam, Liverpool, Barcelona og Atletico Madrid.
Suarez flaug beint til Brasilíu frá Argentínu þar sem hann eyddi jólunum með vini sínu Lionel Messi í Rosario.
Preparado para este lindo desafío en @gremio, con muchas ganas de estar ahí y disfrutar
— Luis Suárez (@LuisSuarez9) December 31, 2022
VAMOS TRICOLOR! pic.twitter.com/q2zhztqCmr
„Einn sá stærsti í sögu Úrúgvæ er að koma til okkar til að halda áfram sigurhefð sinni. Mikill markaskorari, margfaldur meistari og stríðsmaður. Velkominn Luisito,“ sagði í yfirlýsingu frá Gremio. Félagið er frá Porto Alegre í suður Brasilíu, ekki langt frá landamærunum við Úrúgvæ.
Fyrsti leikur Gremio á árinu 2023 verður 17. janúar næstkomandi í Recopa Gaucha ofurbikarnum á móti Sao Luiz.
Vamos, @LuisSuarez9! Estamos preparados para conquistarmos grandes feitos juntos! pic.twitter.com/P5pxKlPZJp
— Grêmio FBPA (@Gremio) December 31, 2022