Suárez á leið til Brasilíu

Með Nacional varð Suárez úrúgvæskur meistari á stuttum tíma sínum hjá félaginu, en hann hóf feril sinn einnig þar. Hann er nú á leið til Gremio sem verða nýliðar í brasilísku úrvalsdeildinni á næsta tímabili.

Suárez er þó líklega þekktastur fyrir tíma sinn hjá Liverpool og Barcelona. Með Liverpool vann Suárez enska deildarbikarinn, en með Barcelona varð hann fjórum sinnum spænskur meistari ásamt því að vinna spænska bikarinn fjórum sinnum og Meistaradeild Evrópu einu sinni.

Suárez hefur leikið 137 leiki fyrir úrúgvæska landsliðið og er næst leikjahæsti leikmaður liðsins frá upphafi. Í leikjunum 137 hefur hann skorað 68 mörk og er markahæsti leikmaður landsliðsins frá upphafi.