Byssu­maðurinn í Hafnar­firði metinn ó­sak­hæfur

RÚV greinir frá þessu en dómsuppsaga í máli mannsins var fyrir héraðsdómi Reykjaness fyrr í dag. Manninum er gert að greiða föður drengsins 1,2 milljónir króna og drengnum fimm hundruð þúsund krónur. Drengurinn er einungis sex ára gamall. 

Feðgarnir sem skotið var á voru á leið í leikskóla þegar maðurinn byrjaði að skjóta. Hinn bíllinn sem skotið var á var mannlaus en lögregla tjáði fréttastofu á sínum tíma að mikil mildi þætti að ekki hafi farið verr. 

Í byrjun október var gefin út ákæra á hendur manninum. Í henni var maðurinn sagður hafa haft .22 kalíbera riffil á svölum íbúðar sinnar og skotið á bílana.