Búinn að jafna sig af veikindum og klár í fyrsta leik

Portúgalska liðið hefur leik á HM á fimmtudag þegar liðið mætir Gana en Ronaldo hefur glímt við veikindi undanfarna daga og tók ekki þátt í æfingum portúgalska liðsins áður en það hélt til Katar.

Í gær æfði liðið í fyrsta skipti á katarskri grundu og tók Ronaldo fullan þátt í æfingunni.

Eins og oft áður munu allra augu beinast að portúgalska markahróknum sem er á leið á sitt fimmta HM en hann hefur verið mikið á milli tannanna á fólki að undanförnu eftir skrautlegt viðtal við Piers Morgan.