Fótbolti

Garnacho hetja United í dramatískum sigri

Hjörtur Leó Guðjónsson skrifar
Alejandro Garnacho reyndist hetja United í kvöld.
Alejandro Garnacho reyndist hetja United í kvöld. David S. Bustamante/Soccrates/Getty Images

Alejandro Garnacho reyndist hetja Manchester Untied er hann tryggði liðinu 1-2 sigur á ögurstundu þegar liðið heimsótti Fulham í ensku úrvalsdeildinni í knattspyrnu í kvöld.

Daninn Christian Eriksen hafði komið gestunum í Manchester United í forystu strax á 14. mínútu leiksins og það reyndist eina mark fyrri hálfleiksins.

Það var svo United maðurinn fyrrverandi, Daniel James, sem jafnaði metin fyrir Fulham á 61. mínútu eftir stoðsendingu frá Tom Cairney.

Hinn 18 ára Alejandro Garnacho reyndist hins vegar hetja gestanna þegar hann kom boltanum í netið á annarri mínútu uppbótartíma eftir stoðsendingu frá áðurnefndum Eriksen og niðurstaðan því 1-2 sigur United.

Manchester United situr í fimmta sæti ensku úrvalsdeildarinnar með 26 stig eftir 14 leiki, sjö stigum meira en Fulham sem situr í níunda sæti.

Enski boltinn

Mest lesið


Fleiri fréttir

Sjá meira


×

Mest lesið