Fótbolti

Birkir á toppnum í Tyrklandi

Atli Arason skrifar
Birkir Bjarnason, leikmaður Adana Demirspor.
Birkir Bjarnason, leikmaður Adana Demirspor. Twitter@@AdsKulubu

Landsliðsmennirnir Birkir Bjarnason, Jóhann Berg Guðmundsson og Jón Daði Böðvarsson, léku allir með sínum liðum í dag. Birkir og Jóhann voru báðir í sigurliðum á meðan Jón Daði þurfti að sætta sig við jafntefli.

Birkir byrjaði á varamannabekk Adana Demirspor en kom inn á leikvöllinn á 87. mínútu í 1-4 útisigri Demirspor á Kasimpasa. 

Younès Belhanda, Babajide Akintola, Henry Onyekuru og Badou Ndiaye skoruðu mörk Demirpsor í leiknum.

Með sigrinum er Adana Demirspor eitt í efsta sæti tyrknesku úrvalsdeildarinnar með 21 stig. Demirspor er með þriggja stiga forskot á bæði Besiktas og Konyaspor sem eiga þó bæði einn leik til góða.

Burnley 4-0 Swansea

Burnley vann fjögurra marka sigur á heimavelli gegn Swansea í næst efstu deild Englands, Championship, með mörkum Vitinho og Anass Zaroury ásamt tveimur mörkum frá Jay Rodriguez. 

Jóhann Berg Guðmundsson hóf leikinn á varamannabekk Burnley en var skipt inn á völlinn fyrir Nathan Tella á 62. mínútu.

Sigurinn lyftir Burnley í efsta sæti Championship deildarinnar þar sem Sheffield United gerði 3-3 jafntefli við Blackpool á sama tíma. Bæði Burnley og Sheffield eru með 25 stig eftir 14 umferðir.

Bolton 0-0 Barnsley

Jón Daði Böðvarsson var í byrjunarliði Bolton gerði markalaust jafntefli á móti Barnsley í þriðju efstu deild Englands, League One.

Jón Daði spilaði alls í 76 mínútur áður en honum var skipt af velli. Með jafnteflinu fer Bolton í 21 stig í 7. sæti League One.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.