Tíska og hönnun

Venus Williams valdi Hildi Yeoman fyrir Glamour viðtal

Sylvía Rut Sigfúsdóttir skrifar
Venus Williams í kjól eftir íslenska hönnuðin Hildi Yeoman.
Venus Williams í kjól eftir íslenska hönnuðin Hildi Yeoman. Glamour UK

Tennisdrottningin Venus Williams prýðir nýjustu forsíðu tímaritsins Glamour. Það vakti sérstaka athygli okkar á Lífsinu að hún klæddist flíkum frá íslensku versluninni Yeoman í viðtali við Glamour. 

Hildur segir í samtali við Lífið að það sé algjör draumur að hafa fengið að klæða Venus Williams. 

„Við fengum fregnir af þessu í sumar, stílistinn hennar bað um flíkur fyrir hana fyrir myndatöku. Hún á sjálf einn kjól frà okkur. Það var svo bara í gær sem umboðsmaðurinn okkar í London sendi okkur viðtalið,“ segir Hildur. 

„Þetta er ekkert smà spennandi. Ég hef nú ekki verið duglegust að fylgjast með íþróttum í gegnum tíðina en þær systur eru svo flottar og það hefur verið „inspírerandi“ að fylgjast með þeim í gegnum tíðina.“

Hildur Yeoman fatahönnuður rekur verslunina Yeoman á Laugavegi 7 í Reykjavík. Saga Sig

Í viðtali sem birtist á vef Glamour klæðist Williams til dæmis fallegum kjól sem Hildur Björk Yeoman hannaði. Kjóllinn er með einstaklega fallegt mynstur sem er hluti af Waterflower prenti hönnuðarins. Í myndatökunni má einnig sjá tennisstjörnuna í flíkum frá Louis Vuitton og Valentino.

„Við elskum að klæða komur af öllum stærðum og gerðum og hönnum fatnað frá xs upp í xl, stundum xxl,“ segir Hildur. 

Algjör draumur

Þetta er ekki í fyrsta skipti sem þekktur einstaklingur velur að klæðast hönnun Hildar Yeoman. Hún hefur áður sagt frá því í viðtali hér á Vísi að hún finni vel fyrir aukinni umferð á vefsíðuna sína þegar stjörnur og erlendir tískuáhrifavaldar klæðast flíkunum. Það ætti því að vekja töluverða athygli á merkinu Hildur Yeoman og á Yeoman versluninni að tennisstjarnan klæðist Yeoman flíkum í breska Glamour. 

„Þetta er Waterflower kjóll sem hún klæðist í viðtalinu. Við eigum mjög svipaða kjóla núna í versluninni i tides prentinu. Þeir eru sem sagt báðir innblásnir af hafinu. Það er mjög oft innblástursefni hjá okkur í studioinu hjá okkur,“ segir Hildur um kjólinn sem Williams valdi. 

Myndir úr myndatökunni má finna á vef Glamour og á Instagram síðu tímaritsins. 

„Venus Williams í flíkum frá okkur í Yeoman fyrir forsíðuviðtal hjá Glamour UK. Ótúlega skemmtilegt viðtal við Venus. Algjör draumur að dressa þessa hæfileikaríku konu,“ skrifar Hildur í færslu á Facebook.


Tengdar fréttir

Allt í blóma hjá Hildi Yeoman

Hildur Yeoman stóð fyrir sýningunni In Bloom sem var partur af HönnunarMars og fór fram í Höfuðstöðinni. Merkið hefur verið áberandi bæði innan og utan landsteinanna og er þekkt fyrir draumkennd prent, falleg snið og litadýrð. 

Hönnun Hildar Yeoman vakti athygli á tískuvikunni í London

Söngkonan Kehlani vakti athygli í hönnun Hildar Yeoman í opnunarhófi tískuvikunnar í Bretlandi, London Fashion Week. Fjölmiðlar hafa fjallað um fataval bandarísku stjörnunnar þetta kvöld og birtust meðal annars myndir af henni í settinu á vef Vogue.

Kylie Jenner birti mynd af hönnun Hildar Yeoman

Stassie besta vinkona Kylie Jenner klæddist bol eftir íslenska fatahönnuðinn Hildi Yeoman um helgina. Milljarðamæringurinn sýndi dressið á Instagram en þær fóru út á lífið saman. 






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.