Menning

Listrænir bræður opna frumlega listasýningu

Dóra Júlía Agnarsdóttir skrifar
Bræðurnir Matthías og Arngrímur standa fyrir sýningunni Vættatal í Ásmundarsal.
Bræðurnir Matthías og Arngrímur standa fyrir sýningunni Vættatal í Ásmundarsal. Sóllilja Tinds

Bræðurnir og listamennirnir Arngrímur Sigurðsson og Matthías Rúnar Sigurðsson standa fyrir samsýningu í Ásmundarsal sem ber nafnið Vættatal. Á sýningunni vinna þeir með hinar ýmsu skepnur og skoffín og er nóg af verum í salnum á borð við svokallaðar sýsiforlirfur og hafgúur.

Vættatal eða Panthæon býður upp á nýjar höggmyndir Matthíasar og ný olíumálverk Arngríms en verkin verða í samtali við hljóðheim Kraftgalla, sem ómar um salinn. Kraftgalli er tónlistarverkefni Arnljóts Sigurðssonar, sem í tilefni sýningarinnar vann hljóðmynd sem er sett saman úr fjögurra rása kassettuupptökum og tilhöggnum hljóðum sem kallast á við hina sjálfsprottnu vætti sýningarinnar.

Í fréttatilkynningu frá Ásmundarsal segir að listaverk bræðranna séu ólík að efnistökum. Þau tengjast þó innbyrgðist á þann hátt að í hverju þeirra kemur fyrir ímynduð vera, eða vættur. Saman mynda verkin því einskonar vættatal. Sumar verurnar minna á eitthvað kunnuglegt eins og kött eða letidýr en aðrar eru óræð skoffín sem hafa fengið að skríða fram í rólegheitunum með pensilpoti eða juði fræsitannar.

Sýningin stendur til 23. október næstkomandi.


Tengdar fréttir

Orð frá ókunnugum í sundi enduðu á kaffibollum

Samskipti manna og fugla, fagurfræði fuglabaða, samræður ókunnugra og gott kaffi er meðal viðfangsefna hjá Studio allsber á HönnunarMars í ár. Þetta skapandi teymi var stofnað árið 2020 og samanstendur af þeim Agnesi Freyju Björnsdóttir, Silvíu Sif Ólafsdóttur og Sylvíu Dröfn Jónsdóttur en þær leira keramikmuni með dass af leikgleði og einföldu handverki. Blaðamaður hafði samband við þær og tók púlsinn fyrir HönnunarMars.

Sýningin er vítamínsprauta fyrir áhorfendur

Samsýningin Í öðru húsi eftir Guðlaugu Míu Eyþórsdóttur, Hönnu Dís Whitehead og Steinunni Önnudóttur opnar í Ásmundarsal á laugardaginn. Bjartir litir og léttleiki fylla sýningarrýmið sem er sannkölluð vítamínsprauta fyrir áhorfendur.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.