Fótbolti

HK tryggði sér sæti í Bestu-deildinni: Myndir

Hjörtur Leó Guðjónsson skrifar
Búast má við því að HK-ingar fagni vel og innilega langt fram á nótt.
Búast má við því að HK-ingar fagni vel og innilega langt fram á nótt. HK/Hulda Margrét

HK-ingar eru komnir aftur upp í deild þeirra bestu eftir 3-1 sigur gegn Fjölni í 20. umferð Lengjudeildar karla í kvöld.

Liðið fylgir því Fylkismönnum upp í Bestu-deildina, en Fylkismenn þurfa aðeins einn sigur í seinustu tveimur umferðunum til að tryggja sér deildarmeistaratitilinn.

HK og Fjölnir sátu í öðru og þriðja sæti deildarinnar fyrir leikinn í kvöld og því ljóst að sigur myndi koma HK-ingum upp um deild.

Það voru þó Fjölnismenn sem náðu forystunni í leiknum þegar Lúkas Logi Heimisson kom boltanum í netið strax á annarri mínútu leiksins áður en Atli Arnarson jafnaði metin fyrir heimamenn með marki af vítapunktinum á 18. mínútu.

Annað mark heimamanna lét svo bíða eftir sér, en Hassan Jalloh kom HK-ingum yfir þegar um tíu mínútur voru til leiksloka áður en hann var svo aftur á ferðinni þremur mínútum síðar og gulltryggði 3-1 sigur HK-inga.

HK er nú með 43 stig í öðru sæti deildarinnar þegar tvær umferðir eru eftir, tíu stigum meira en Fjölnir sem situr í þriðja sæti. HK-ingar eiga enn veika von um að vinna deildarmeistaratitilinn, en þá þarf allt að ganga upp í seinustu umferðunum.

Upplýsingar um úrslit og markaskorara fengust á Fótbolti.net.

Hulda Margrét, ljósmyndari Vísis, var á vellinum og fangaði stemninguna þegar sætið í deild þeirra bestu var tryggt.

HK/Hulda Margrét
HK/Hulda Margrét
HK/Hulda Margrét
HK/Hulda Margrét
HK/Hulda Margrét
HK/Hulda Margrét
HK/Hulda Margrét




Fleiri fréttir

Sjá meira


×