Menning

40 ár frá fyrstu einkasýningunni

Dóra Júlía Agnarsdóttir skrifar
Heidi Strand stendur fyrir einkasýningunni Heiði og Strönd en þar er að finna 70 textílverk eftir hana.
Heidi Strand stendur fyrir einkasýningunni Heiði og Strönd en þar er að finna 70 textílverk eftir hana. Aðsend

Listakonan Heidi Strand opnar sýninguna Heiði og strönd á Hlöðuloftinu að Korpúlfsstöðum á morgun. Í forgrunni verða textílverk hennar sem eru 70 talsins og eru flest unnin á tímabilinu 2015 til dagsins í dag.

Aðeins örfá verkanna hafa verið sýnd áður og nærri öll nýrri verkin eru unnin með nálaþæfingu á votþæfðan grunn. Öll þæfing er unnin í höndunum og þar koma vélar hvergi nálægt. Samkvæmt Heidi er allur efniviður lífrænn og hún notast eingöngu við ull og sápu en hluti ullarinnar er þó litaður af framleiðanda. Þessi verk eru í raun unnin fríhendis og engin litarefni eru notuð.

Viðfangsefni verka Heidiar er það sem heillar hana við Ísland.Heidi Strand

Endurnýtt efni

Nokkur verka sýningarinnar eru endurnýting á gallaefnum og öðrum vefjarefnum og flíkur á borð við gamlar gallabuxur öðlast nýtt líf. Verkin eru af ýmsum stærðum og gerðum en sum eru í þrívídd og þau allra umfangsmestu eru fjórir til sex fermetrar að stærð. Viðfangsefni verkanna tengist helst því sem heillar Heidi mest hér á Íslandi. Hún flutti fyrst til landsins í byrjun ársins 1972 og má segja að landið hafi heillað hana þar sem hún hefur búið hér síðan, þó með hléum.

Heidi að vinnu. Hún hefur sýnt verk sín víðs vegar um heiminn.Aðsend

Tímamót

Þessi listasýning markar ýmis tímamót í lífi listakonunnar. Heidi fagnað gullbrúðkaupi í sumar, verður sjötug næstkomandi janúar og í desember verða komin heil 40 ár frá því að hún hélt sína fyrstu einkasýningu í Ásmundarsal. Margt vatn hefur runnið til sjávar síðan þá en einkasýningarnar eru nú orðnar 25 og hafa farið fram á öllum Norðurlöndunum. Einnig hefur Heidi átt verk á 32 samsýningum víða um heiminn.

Sýningin stendur frá 9. - 31. júlí, verður opin alla daga frá klukkan 12:00-18:00, aðgangur er ókeypis og öll eru velkomin.


Tengdar fréttir

„Viljum fá fólk til að koma auga á það sem hér leynist“

Finnbogi Pétursson myndlistarmaður opnar sýningu í Hillebrandtshúsinu í gamla bænum á Blönduósi á morgun klukkan 16:00. Um er að ræða nýtt verk eftir listamanninn sem fengið hefur nafnið FLÓI. Hjónin Finnur Arnar og Áslaug Thorlacius standa fyrir sýningunni en blaðamaður tók púlsinn á Finni.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.