Innlent

Stundvísin fullnægjandi að mati PLAY

Ólafur Björn Sverrisson skrifar
Birgir Jónsson forstjóri Play
Birgir Jónsson forstjóri Play Foto: Vilhelm Gunnarsson/Vilhelm Gunnarsson

Fjöldi farþega Play í júní jafnast á við heildarfjölda farþega ársins 2021, á fyrstu sex mánuðum starfseminnar. Play flutti um 88 þúsund farþega í júní, sem er 55 prósent aukning frá mánuðinum á undan, þegar um 56 þúsund farþegar voru fluttir. Stundvísi mældist 79 prósent sem er ekki í samræmi við markmið félagsins.

Þrátt fyrir það segir félagið þetta vera fullnægjandi stundvísi af þeirra hálfu ef tekið er mið af breytingum í rekstri og ástandinu á flugvöllum Evrópu.

„Enda þótt það sé ekki alls kostar í samræmi við viðmið okkar í venjulegu árferði, telst sú tölfræði fullnægjandi í ljósi þess að annars vegar var félagið að enda við að stækka tengiflugsleiðakerfið og hins vegar að mannekla hefur verið mikil og þjónustustig lágt á flugvöllum í Evrópu með tilheyrandi keðjuverkandi seinkunum,“ segir í tilkynningunni.

Sjötta vél á loft 

Sjötta flugvél Play, Airbus A320neo, kom til Íslands í lok júní og hóf nýlega farþegaflug. Play er nú með þrjár slíkar vélar í notkun og aðrar þrjár Airbus A321neo til viðbótar, samkvæmt tilkynningu. Þessar flugvélar séu nú að flytja farþega til 25 áfangastaða félagsins í Bandaríkjunum og Evrópu.

Haft er eftir Birgi Jónssyni, forstjóra flugfélagsins þar sem hann segir júní marka enn ein tímamót í sögu Play. Félagið hafi náð markmiðum sínum um einingarkostnað á eldsneytis og segir Birgir að fyrrgreind tölfræði staðfesti grundvallarhagkvæmni viðskiptamódelsins sem lagt var upp með.

 „Og hvetur okkur til dáða að keyra kostnað enn frekar niður eftir því sem við höldum áfram að vaxa“, segir Birgir.

Flugrekstraraðilum hafi reynst erfitt að skala starfsemina aftur upp en Birgir kveðst fyrir vikið stoltari af starfsfólki félagsins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.