Enski boltinn

Nýliðarnir fá franskan varnarmann

Hjörtur Leó Guðjónsson skrifar
Moussa Niakhate er genginn til liðs við Nottingham Forest frá þýska félaginu Mainz.
Moussa Niakhate er genginn til liðs við Nottingham Forest frá þýska félaginu Mainz. Torsten Silz/picture alliance via Getty Images

Nýliðar Nottingham Forest hafa fengið franska varnarmanninn Moussa Niakhate ti liðs við sig og mun hann leika með liðinu til ársins 2025.

Þessi 26 ára varnarmaður kemur til liðsins frá þýska félaginu Mainz þar sem hann hefur leikið síðastliðin fjögur ár. Hann hóf feril sinn hjá franska B-deildarliðinu Valenciennes, en flutti sig svo þaðan til Metz æaður en hann gekk í raðir Mainz.

Nýliðarnir greiða tæpar 13 milljónir punda fyrir leikmanninn, en þar af eru rúmar fjórar milljónir í árangurstengdar bónusgreiðslur.

Niakhate er fjórði leikmaðurinn sem Nottingham Forest fær til liðs við sig, en áður hafði félagið keypt framherjann Taiwo Awoniyi og varnarmanninn Giulian Biancona, ásamt því að fá markvörðinn Dena Henderson á láni frá Manchester United.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.