Erlent

Hald­lögðu rúss­neskt skip sem er sagt flytja stolið korn

Árni Sæberg skrifar
Skipið sigldi um Svartahaf líkt og þessi skip, sem tengjast fréttinni ekki beint.
Skipið sigldi um Svartahaf líkt og þessi skip, sem tengjast fréttinni ekki beint. Andreea Campeanu/Getty Images

Tyrkir hafa lagt hald á skip sem siglir undir rússneskum fána vegna gruns um að sjö þúsund tonn af korni sem það flytur séu stolin af Úkraínumönnum.

Skipið Zhibek Zholy liggur nú við bryggju í tyrknesku hafnarborginni Karasu að ósk Úkraínumanna. Þeir segja skipið innihalda sjö tonn af korni sem Rússar hafi stolið frá Úkraínu, að því er segir í frétt the Guardian um málið.

Yfirvöld í Karasu segja skipið munu vera í haldi þar til uppruni kornsins hefur verið staðfestur. Það geti þó reynst snúið en úkraínsk yfirvöld hafa beðið tyrknesk að haldleggja kornið svo hægt verði að rannsaka það.

Vasyl Bodnar, sendiherra Úkraínu í Tyrklandi sagði í sjónvarpsviðtali á sunnudag að hann vonaðist til þess að kornið verði gert upptækt. „Við njótum góðs samstarfs. Skipið er nú við höfnina, það hafur verið haldlagt af tollyfirvöldum í Tyrklandi,“ sagði hann.

Sergei Lavrov, utanríkisráðherra Rússlands segir hins vegar að skipið sé ekki rússnesk þrátt fyrir aðð sigla undir merkjum landsins. Skipið sé raunar í eigu Khazakstan og hafi verið á leið frá Eistlandi til Tyrklands með farm.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×