Sport

Lögreglumenn halda úti öflugu íþróttastarfi

Valur Páll Eiríksson skrifar
Óskar Bjartmarz, formaður íþróttasambands lögreglumanna.
Óskar Bjartmarz, formaður íþróttasambands lögreglumanna. Vísir/Stöð 2

Íþróttasamband Lögreglunnar hefur haldið úti öflugu íþróttastarfi til margra ára og árangurinn í raun ótrúlegur í gegnum tíðina. Guðjón Guðmundsson, Gaupi, tók fór á stúfana og kynnti sér starfið.

Á liðnum árum hafa laganna verðir gert garðinn frægan á erlendum vettvangi. Taka má til Evróputitil í handbolta karla árið 1984 og Evróputitil í kúluvarpi karla árið 1994. Norðurlandatitlar í báðum íþróttum hafa einnig unnist.

„Það var í Frakklandi sem við urðum Evrópumeistarar en fyrsta handboltamótið sem við tókum þátt í var Norðurlandamót 1974 í Danmörku. Þá voru hvorki meira né minna en Björgvin Björgvinsson og Axel Axelsson í því liði, til dæmis.“ segir Óskar Bjartmarz, formaður íþróttasambands lögreglumanna.

Klippa: Lögregluíþróttir

„Við vorum síðustu helgi að klára Norðurlandamót í skotfimi lögreglumanna, þar sem voru tæplega 50 kollegar. Við náðum þar að vinna þjónustuvopnið, sem eru vopn sem lögreglumenn nota á hverjum stað,“

„Svo vorum við með handboltalið karla og kvenna í Stokkhólmi í síðustu viku líka. Við reyndar riðum þar ekki feitum hesti en það er bara gaman að geta tekið þátt. Síðan förum við með körfuboltalið á úrslit Evrópumótinu í Frakklandi,“ segir Óskar.

En hvaða þýðingu hefur þetta starf fyrir lögreglufólk?

„Það hefur ýmsa þýðingu. Það er kannski hvað helst að menn kynnast utan vinnustaðar, skapa tengsl, sem að oft kemur sér vel í starfinu seinna meir þegar menn hringja á milli. Þá er miklu einfaldara og betra að hafa hitt manninn augliti til auglitis á fótboltavellinum,“

Fleira kemur fram í innslaginu sem má sjá í heild sinni að ofan.




Fleiri fréttir

Sjá meira


×