Lífið

Stjörnuspekingurinn Jara Giantara skoðar stjörnumerki og samvinnu mögulegrar borgarstjórnar

Helgi Ómarsson skrifar
Stjörnuspekingurinn Jara Giantara skoðar hvernig möguleg borgarstjórn vinnur saman samkvæmt stjörnunum.
Stjörnuspekingurinn Jara Giantara skoðar hvernig möguleg borgarstjórn vinnur saman samkvæmt stjörnunum. Saga Sig

Hvað segja stjörnumerkin um oddvitana í Reykjavík? Ég fékk stjörnuspekinginn Jöru Giantöru til að skoða stjörnumerki nokkurra einstaklinga sem börðust um borgina. 

Tvíburinn var ráðandi í kosningunum í ár. Fimm af ellefu oddvitum flokkanna eru annað hvort tvíburar eða með tungl í tvíbura. Það vill svo skemmtilega til að lýðveldið Ísland er líka tvíburi þar sem það á afmæli 17. júní.

Þessi yfirferð er eingöngu ætluð til skemmtunar. Í stjörnuspeki skoðum við áhrif allra plánetanna og til að fá nákvæmt fæðingarkort þarf nákvæman fæðingartíma sem við vissum ekki um oddvita flokkanna.

Dagur B. EggertssonStöð 2/Arnar

Samfylkingin

Dagur B Eggertsson 19. júní 1972

Tvíburi með tungl í vog og venus í samstöðu við sól.

Dagur er tvíburi. Tvíburar eru forvitnir og nýjungagjarnir. Þeir elska að vera með marga bolta á lofti og hugurinn er alltaf á fullu. Tvíburinn elskar að tala og getur talað endalaust. Allar hugmyndir eru nógu góðar hugmyndir til að velta vöngum yfir og tala um samkvæmt tvíburanum. 

Tvíburinn er fljótur að fá leið á hlutum og skiptir oft um stefnu. Hann hefur áhuga á öllu og langar að prófa allt. 

Galli tvíburans getur verið yfirborðsmennska og að hugsa hlutina ekki til enda.

Tunglið hans er í vog sem gefur honum diplómata hæfileika og mikla þörf fyrir að halda öllu í jafnvægi og stilla til friðar.

Dagur er líka með Venus í samstöðu við sólina hans sem gerir hann sjarmerandi og hefur hjálpað honum mikið í stjórnmálum. Þessi afstaða er algeng hjá þekktu fólki.

Viðreisn

Þórdís Lóa Þórhallsdóttir 7. desember 1965

Bogamaður með tungl í nauti.

Bogmenn eru jákvæðir, glaðir og ástríðufullir. Þeir elska ævintýri og ferðalög. Hvort sem er í heiminum eða í huganum í gegnum lærdóm. 

Bogmaðurinn hefur sterka réttlætiskennd, er óhræddur við að segja hvað hann er að hugsa og elskar heimspekilegar vangaveltur. Hann á það til að tala áður en hann hugsar og skiptir oft um skoðun.

Tunglið hennar er í nauti. Þrautseigja eða þrjóska eru sterk. Að þekkja gildin sín og fara eftir þeim skiptir fólk með tungl í nauti miklu máli.

Nautið tengir Þórdísi og Sönnu. Þær eru báðar með tungl í nauti sem býr til skilning á milli þeirra. Eins er bogmaðurinn andstætt merki við tvíburann sem býr til sterka tengingu á milli hennar og allra tvíburanna.

Dóra Björt Guðjónsdóttir.Aðsend

Píratar

Dóra Björt Guðjónsdóttir 19 júní 1988

Tvíburi með tungl í ljóni og venus í samstöðu við sól.

Dóra Björt er tvíburi og á sama afmælisdag og Dagur. Tvíburar eru forvitnir og nýjungagjarnir. Þeir elska að vera með marga bolta á lofti og hugurinn er alltaf á fullu.

Tvíburinn elskar að tala og getur talað endalaust. Allar hugmyndir eru nógu góðar hugmyndir til að velta vöngum yfir og tala um samkvæmt tvíburanum.

Tvíburinn er fljótur að fá leið á hlutum og skiptir oft um stefnu. Hann hefur áhuga á öllu og langar að prófa allt. Galli tvíburans getur verið yfirborðsmennska og að hugsa hlutina ekki til enda.

Tunglið hennar er í ljóni sem gerir hana ástríðufulla og gefur leiðtogahæfileika og mikinn metnað.

Dóra Björt er líka með Venus í samstöðu við sólina, eins og Dagur, sem gerir hana sjarmerandi.

Dagur og Dóra Björt gætu átt mjög auðvelt með að vinna saman þar sem þau eru bæði tvíburar með sól í samstöðu Venus.

Sanna Magdalena Mörtudóttir er oddviti Sósíalistaflokksins í Reykjavík.Vísir/Vilhelm

Sósíalistaflokkurinn

Sanna Magdalena Mörtudóttir 3. maí 1992

Naut með tungl í nauti.

Sanna er naut með tungl í nauti sem þýðir að hún var fædd á nýju tungli.

Nautið er jarðbundið og raunsætt. Það er stöðugt og þegar það tekur stefnuna á eitthvað þarf mikið til að það beygi út af brautinni. 

Nautið er þrjóskt sem getur verið mjög hjálplegt þegar það veitir nautinu þrautseigju til að halda út við að klára erfið verkefni sem aðrir væru löngu búnir að gefast upp á. 

Galli nautsins getur verið allt of mikil þrjóska.

Tunglið hennar er líka í nauti sem gerir hana að enn þá meira nauti. Þrautseigja eða þrjóska eru sterk. Að þekkja gildin sín og fara eftir þeim skiptir fólk með tungl í nauti miklu máli.

Einar Þorsteinsson.Vísir/Einar

Framsóknarflokkurinn

Einar Þorsteinsson 24. desember 1978

Steingeit með tungl í vog og mars í samstöðu við sól.

Einar er steingeit, fæddur á aðfangadag. Steingeitur eru raunsæjasta merkið og oftast mjög metnaðarfullar. Reglur samfélagsins skipta þær máli og þeim finnst mikilvægt að fara eftir þeim. 

Þær eru þolinmóðar og oft með góðan kaldhæðin húmor. Þær eru agaðar og skynsamar. Galli steingeitarinnar getur verið allt of mikil íhaldssemi og neikvæðni.

Tunglið hans er í vog sem gefur honum diplómata hæfileika og mikla þörf fyrir að halda öllu í jafnvægi og stilla til friðar.

Einar er með Mars í samstöðu við sólina hans sem gæti minnkað áhrifin af tunglinu í vog. Það getur gefið mikið skap og orku.

Einar og Þórdís Lóa eru bæði steingeitur og með mikla jörð í kortunum sem gæti gert samvinnu auðvelda á milli þeirra. Eins eru bæði Einar og Dagur með tungl í vog sem býr til grunn skilning á milli þeirra.

Líf Magneudóttir oddviti VG í borginni.Vísir/Helgi Ómars

Vinstri grænir

Líf Magneudóttir 13. ágúst 1974

Ljón með tungl í tvíbura.

Líf er ljón. Ljón eru gjafmild og glöð og elska að deila með sér og kenna það sem þau hafa lært. Þau eru mjög skapandi, opin og trúföst. 

Þau standa við það sem þau lofa. Þau hafa líka góða skipulags hæfileika. Ljón elska að taka pláss. Standa á sviði og leika aðalhlutverk. Galli ljónsins getur verið að vilja ráskast um of með aðra og eiga erfitt með að taka gagnrýni.

Tunglið hennar er í tvíbura. Það gefur umburðarlyndi, getu til að halda mörgum boltum á lofti og tilhneigingu til að tala hratt og mikið og mikla þörf fyrir að segja skoðanir sínar.

Líf er ljón með tungl í tvíbura á meðan Dóra Björt og Hildur eru tvíburar með tungl í ljóni sem býr til skilning á milli þeirra þriggja.

Kolbrún Baldursdóttir borgarfulltrúi Flokks fólksins.Vísir/Egill

Flokkur fólksins

Kolbrún Baldursdóttir 23. mars 1959

Hrútur með tungl í meyju.

Kolbrún er hrútur. Hrúturinn er merki frumorku, krafts, áræðni og þors. Hann er hress, ákveðinn og vill láta hlutina gerast strax, frekar í gær en á morgun. Hann er sjálfstæður og sjálfsöruggur. Honum líður best þegar nóg er að gera og örar breytingar. Hann elskar keppni. Gallar hrútsins geta verið fljótfærni og óþolinmæði.

Tunglið hennar er í meyju sem gerir hana mjög gagnrýna og vegur upp á móti hrútnum með getu til að hafa betri yfirsýn en hrúturinn gefur til kynna.

Kolbrún er frekar utangátta á meðal oddvitanna sem bæði eini hrúturinn og sú eina með tungl í meyju.

Hildur Björnsdóttir er oddviti Sjálfstæðisflokksins í Reykjavík.Vísir/Vilhelm

Sjálfstæðisflokkurinn

Hildur Björnsdóttir 11. júní 1986

Tvíburi með tungl í ljóni og Venus í samstöðu við tungl.

Hildur er tvíburi. Tvíburar eru forvitir og nýjungagjarnir. Þeir elska að vera með marga bolta á lofti og hugurinn er alltaf á fullu. 

Tvíburinn elskar að tala og getur talað endalaust. Allar hugmyndir eru nógu góðar hugmyndir til að velta vöngum yfir og tala um samkvæmt tvíburanum.

 Tvíburinn er fljótur að fá leið á hlutum og skiptir oft um stefnu. Hann hefur áhuga á öllu og langar að prófa allt. Galli tvíburans getur verið yfirborðsmennska og að hugsa hlutina ekki til enda

Tunglið hennar er í ljóni sem gerir hana ástríðufulla og gefur leiðtogahæfileika og mikinn metnað.

Hildur er með Venus í samstöðu við tunglið hennar sem mildar ljónið og gerir hana sjarmerandi.

Hildur og Dóra Björt eru báðar tvíburar með tungl í ljóni sem gæti gert það auðvelt að vinna saman, ef áhugi væri fyrir hendi. Hildur á líka tvíburann sameiginlegan með Degi.


Tengdar fréttir

Vilja trenda sjálfsvinnu og hugleiðslu

Dagný Berglind Gísladóttir og Eva Dögg Rúnarsdóttir hafa verið áberandi innan vellíðunargeirans en þær hafa hannað netnámskeið fyrir konur og karla á öllum aldri sem veitir fólki innblástur til þess að setja sig í fyrsta sæti og huga að andlegri og líkamlegri vellíðan. Hugmynd þeirra er að gera sjálfsvinnu að sjálfsögðum hluta af lífinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.