Erlent

Leita að fanga sem slapp með að­stoð fanga­varðar í Ala­bama

Atli Ísleifsson og Gunnar Reynir Valþórsson skrifa
Bandarísk yfirvöld hafa boðið þeim 10 þúsund dali sem veitir upplýsingar sem leiðir til handtöku þeirra Casey White og Vicky White.
Bandarísk yfirvöld hafa boðið þeim 10 þúsund dali sem veitir upplýsingar sem leiðir til handtöku þeirra Casey White og Vicky White. AP

Mikil leit er nú gerð að strokufanga í Alabama í Bandaríkjunum sem virðist hafa sloppið úr fangelsi með aðstoð fangavarðar, sem einnig er leitað.

Fanginn, hinn 38 ára Casey White, sem grunaður er um morð á 58 ára konu árið 2020, sást síðast með fangaverðinum Vicky White á lögreglustöð í Alabama síðastliðinn föstudag. White sagðist þá vera á leið með fangann í geðrannsókn, en síðar kom í ljós að engin slík rannsókn hafði verið áætluð.

Nú er talið víst að þau Casey White og Vicky White hafi skipulagt flóttann í sameiningu. Handtökutilskipun hefur því einnig verið gefin út á hendur Vicky White, en skötuhjúin eru ekkert skyld þótt þau beri sama ættarnafn.

Nú er einnig komið í ljós að Vicky White hafði sagt upp störfum sem fangavörður og einnig hafði hún selt hús sitt á svæðinu og sagt vinum sínum að hún væri á leið á ströndina.

Dagurinn sem skötuhjúin hurfu var lokadagur hennar í vinnunni, að því er segir í frétt BBC.

Bandaríkin Erlend sakamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið