Svona færð þú fallegri áferð með kremkinnalit

Kremkinnalitir geta gefið fallega áferð á húðina ef þeir eru notaðir rétt. Ingunn ráðleggur að ef nota á kinnalitastifti, sé best að nota förðunaráhöld eins og bursta eða svamp. 

„Til að fá fallega áferð af kremkinnalit, varist að nota stifti beint á andlitið.“

Með þessum hætti er auðveldara að blanda vöruna út og fá mýkri áferð. Ingunn sýnir þetta betur í förðunarráði þáttarins sem sjá má hér fyrir neðan. 

Serum, rakakrem og svo sólarvörn. Þannig hljómar húðrútína leikarans Arons Más Ólafssonar, sem margir þekkja sem Aron Mola. Hann hefur síðustu misseri slegið í gegn í þáttum eins og Svörtu sandar, Verbúð, Ófærð og einnig sem Bubbi í leiksýningunni Níu líf. 

En Aron er líka mikill áhugamaður um húðumhirðu og í nýjasta þættinum af Snyrtiborðinu fá þær Heiður Ósk og Ingunn Sig að heyra allt um málið. Hægt er að horfa á þáttinn í heild sinni hér fyrir neðan.