Á hælum raðmorðingja sem vildi teikna fórnarlömbin Smári Jökull Jónsson skrifar 29. janúar 2022 16:09 Teikning lögreglunnar í San Francisco af hinum meinta Doodler morðingja. Vísir/Twitter Lögreglan í San Francisco telur sig aldrei hafa verið nær því að upplýsa um hinn svokallaða Doodler morðingja sem grunaður er um hafa myrt sex samkynhneigða karlmenn í borginni á áttunda áratugnum. Morðin héldu samfélagi samkynhneigðra í San Francisco í heljargreipum á sínum tíma en fyrsta fórnarlambið fannst þann 27. janúar 1974. Síðastliðinn fimmtudag, nákvæmlega 48 árum síðar, tilkynnti lögreglan að þeir hefðu tvöfaldað verðlaunaféð fyrir upplýsingar sem myndu leiða til handtöku morðingjans og lofar 200.000 dollurum fyrir haldbærar upplýsingar. Þessi staður í San Francisco hét áður Bo Jangles og var þekktur samkomustaður samkynhneigðra á áttunda áratugnum. Þar sást Klaus Christmann síðast en hann er eitt fórnarlamba Doodle raðmorðingjans.Vísir/Getty Ástæðan fyrir þessari stigmögnun er að lögreglan telur sig nú hafa vissu fyrir því að sjötta fórnarlambið hafi bæst í hóp þeirra sem Doodler morðinginn er grunaður um að hafa myrt. Áður var talið að fórnarlömbin væru fimm en lögreglan hefur nú bætt lögfræðingnum Warren Andrews í þann hóp en lík hans fannst árið 1975. Teiknaði myndir af fórnarlömbum Viðurnefnið Doodle fékk morðinginn þar sem hann er talinn hafa tælt fórnarlömb sín með því að teikna af þeim myndir á skemmtistöðum sem samkynhneigðir stunduðu, en orðið doodle þýðir að teikna eða skissa. Vitni lýstu manninum sem góðum listamanni. Hann hafi valið sér fórnarlamb og teiknað af því mynd. Hann hafi síðan sýnt viðkomandi teikninguna og hrósað fyrir útlit sitt. Fórnarlömbin yfirgáfu síðan staðina með manninum. Lík fórnarlambanna fundust á ströndum eða í görðum í vesturhluta San Francisco. Frá morðvettvangi í Golden Gate garðinum þar sem lík hins 27 ára gamla Joseph Stevens fannst í júní 1974.Vísir/Getty Á þessum tíma voru lög um „kynvillu“ víða enn við lýði og samkynhneigðir sóttu í félagsskap á á börum og skemmtistöðum. Strandir og garðar voru vinsælir staðir til samneytis og þar framdi Doodler raðmorðinginn glæpi sína. Ný sönnunargögn litið dagsins ljós Málið hafði verið svokallað kalt mál í fjöldamörg ár en árið 2017 tók rannsóknarlögreglumaðurinn Dan Cunningham skýrslur málsins úr hillum lögreglunnar og tveimur árum síðar birti lögreglan uppfærða mynd sem teiknuð hafði verið af hinum grunaða á áttunda áratugnum. Þá var tilkynnt um hundrað þúsund dollara verðlaunafé fyrir upplýsingar sem myndu leiða til handtöku morðingjans. Getgátur um sjötta fórnarlambið komu fram í greinaflokki sem San Francisco Chronicle birti á síðasta ári þar sem morðið á lögfræðingnum Warren Andrews, sem myrtur var í apríl 1975, var rannsakað. Lík hans fannst á stað sem var vinsæll staður meðal samkynhneigðra til að hittast. Hann hafði þá verið barinn með steini og trjágrein og lést á sjúkrahúsi sjö vikum síðar af þeim völdum. Ocean Beach í San Fransisco þar sem lík eins fórnarlamba Doodler morðingjans fansnt í júlí 1974.Vísir/Getty Upphaflega tengdi lögreglan morðið á Andrews ekki við hin morðin sem Doodler morðinginn var grunaður um þar sem fyrri fórnarlömbin höfðu öll verið stungin til bana. Auk þess var Andrews ekki opinberlega kominn út úr skápnum þegar hann var myrtur. Lík hans fannst í garði þar sem vitað var að samkynnhneigðir karlmenn hittust oft á og lögreglan hefur staðfest að þeir telji að Andrews hafi verið myrtur af Doodler morðingjanum. Lögrelgan hefur fundið ný sönnunargögn sem tengjast morðinu á Warren Andrews og látið rannsaka þau með tillitli til mögulegra lífsýna. Þar að auki eru til rannsóknar vísbendingar frá austur- og suðurhluta Bandaríkjanna þar sem möguleiki er á að raðmorðinginn alræmdi hafi einnig framið morð. Rannsóknarlögreglumaðurinn Cunningham líkti rannsókninni við leik í ameríska fótboltanum. „Við byrjuðum með boltann á 1-2 jarda línunni við eigið mark og erum komin upp á miðjan völl núna.“ Það gæti því verið að þetta nærri hálfrar aldar gamla morðmál leyist á næstunni. Bandaríkin Mest lesið Hent nauðugri út úr hryllingshúsi vegna ógreiddrar leigu Innlent Kári segist hafa verið rekinn vegna lygasögu Innlent Konan „terroríseri“ alla í hryllingshúsinu Innlent Ætla að hernema Gasaströndina Erlent Segir réttarríkið standa í vegi sínum Erlent Segist „eiginlega sammála“ ákvörðun Amgen Innlent Íbúar Gasa verði fluttir á brott „í þágu eigin öryggis“ Erlent „Engin örugg skref, bara eitt illa unnið pennastrik“ Innlent Ekki sé hægt að kaupa fólk út eða rífa hús sem séu byggð samkvæmt leyfum Innlent Brosa hringinn á upphafsdegi strandveiða Innlent Fleiri fréttir Íbúar Gasa verði fluttir á brott „í þágu eigin öryggis“ Páfabíll verður færanleg heilsugæsla fyrir börn á Gasa Aldrei fleiri stríð í heiminum síðan í síðari heimsstyrjöld Ráðherra segir að Ísraelar muni ekki fara aftur frá Gasa Árásarmaðurinn í Uppsölum handtekinn Komu naumlega í veg fyrir hryðjuverkaárás í Bretlandi Með bæði betri og fleiri vopn en síðast Ætla að hernema Gasaströndina Segir réttarríkið standa í vegi sínum Afstýrðu sprengjutilræði á tveggja milljóna manna tónleikum Lady Gaga Fjórtán börn handtekin eftir að drengur lést í eldsvoða Til marks um „skringilega“ skautun víða um heim Ekki nein þörf á notkun kjarnorkuvopna og vonar að svo verði ekki Föður rafmyntajöfurs rænt og skorinn af honum fingur Fjarhægrimaður sigurstranglegastur í forsetakosningum Rúmena Fimm handteknir grunaðir um skipulagningu hryðjuverka Hafnaði hermönnum Trump: „Fullveldið er ekki til sölu“ PAP vann stórsigur í Singapúr Innsti hringur Trump í skærum við þýsk yfirvöld Verkamannaflokkurinn bar sigur úr býtum Íbúar Nuuk orðnir tuttugu þúsund Maður sem lét snáka bíta sig 200 sinnum lykill að tímamótamóteitri Umsetin af krókódílum í 36 klukkutíma eftir nauðlendingu Birti mynd af sér í páfaskrúða Sögulegur sigur Umbótaflokks og skipbrot stóru flokkanna tveggja Kosningar í Ástralíu: Fylgi Íhaldsflokksins dvínar vegna framgöngu Trump Fyrirgefur fjölskyldunni og leitar sátta Gera úkraínsk ungmenni að sjálfsmorðssprengjumönnum Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Sjá meira
Morðin héldu samfélagi samkynhneigðra í San Francisco í heljargreipum á sínum tíma en fyrsta fórnarlambið fannst þann 27. janúar 1974. Síðastliðinn fimmtudag, nákvæmlega 48 árum síðar, tilkynnti lögreglan að þeir hefðu tvöfaldað verðlaunaféð fyrir upplýsingar sem myndu leiða til handtöku morðingjans og lofar 200.000 dollurum fyrir haldbærar upplýsingar. Þessi staður í San Francisco hét áður Bo Jangles og var þekktur samkomustaður samkynhneigðra á áttunda áratugnum. Þar sást Klaus Christmann síðast en hann er eitt fórnarlamba Doodle raðmorðingjans.Vísir/Getty Ástæðan fyrir þessari stigmögnun er að lögreglan telur sig nú hafa vissu fyrir því að sjötta fórnarlambið hafi bæst í hóp þeirra sem Doodler morðinginn er grunaður um að hafa myrt. Áður var talið að fórnarlömbin væru fimm en lögreglan hefur nú bætt lögfræðingnum Warren Andrews í þann hóp en lík hans fannst árið 1975. Teiknaði myndir af fórnarlömbum Viðurnefnið Doodle fékk morðinginn þar sem hann er talinn hafa tælt fórnarlömb sín með því að teikna af þeim myndir á skemmtistöðum sem samkynhneigðir stunduðu, en orðið doodle þýðir að teikna eða skissa. Vitni lýstu manninum sem góðum listamanni. Hann hafi valið sér fórnarlamb og teiknað af því mynd. Hann hafi síðan sýnt viðkomandi teikninguna og hrósað fyrir útlit sitt. Fórnarlömbin yfirgáfu síðan staðina með manninum. Lík fórnarlambanna fundust á ströndum eða í görðum í vesturhluta San Francisco. Frá morðvettvangi í Golden Gate garðinum þar sem lík hins 27 ára gamla Joseph Stevens fannst í júní 1974.Vísir/Getty Á þessum tíma voru lög um „kynvillu“ víða enn við lýði og samkynhneigðir sóttu í félagsskap á á börum og skemmtistöðum. Strandir og garðar voru vinsælir staðir til samneytis og þar framdi Doodler raðmorðinginn glæpi sína. Ný sönnunargögn litið dagsins ljós Málið hafði verið svokallað kalt mál í fjöldamörg ár en árið 2017 tók rannsóknarlögreglumaðurinn Dan Cunningham skýrslur málsins úr hillum lögreglunnar og tveimur árum síðar birti lögreglan uppfærða mynd sem teiknuð hafði verið af hinum grunaða á áttunda áratugnum. Þá var tilkynnt um hundrað þúsund dollara verðlaunafé fyrir upplýsingar sem myndu leiða til handtöku morðingjans. Getgátur um sjötta fórnarlambið komu fram í greinaflokki sem San Francisco Chronicle birti á síðasta ári þar sem morðið á lögfræðingnum Warren Andrews, sem myrtur var í apríl 1975, var rannsakað. Lík hans fannst á stað sem var vinsæll staður meðal samkynhneigðra til að hittast. Hann hafði þá verið barinn með steini og trjágrein og lést á sjúkrahúsi sjö vikum síðar af þeim völdum. Ocean Beach í San Fransisco þar sem lík eins fórnarlamba Doodler morðingjans fansnt í júlí 1974.Vísir/Getty Upphaflega tengdi lögreglan morðið á Andrews ekki við hin morðin sem Doodler morðinginn var grunaður um þar sem fyrri fórnarlömbin höfðu öll verið stungin til bana. Auk þess var Andrews ekki opinberlega kominn út úr skápnum þegar hann var myrtur. Lík hans fannst í garði þar sem vitað var að samkynnhneigðir karlmenn hittust oft á og lögreglan hefur staðfest að þeir telji að Andrews hafi verið myrtur af Doodler morðingjanum. Lögrelgan hefur fundið ný sönnunargögn sem tengjast morðinu á Warren Andrews og látið rannsaka þau með tillitli til mögulegra lífsýna. Þar að auki eru til rannsóknar vísbendingar frá austur- og suðurhluta Bandaríkjanna þar sem möguleiki er á að raðmorðinginn alræmdi hafi einnig framið morð. Rannsóknarlögreglumaðurinn Cunningham líkti rannsókninni við leik í ameríska fótboltanum. „Við byrjuðum með boltann á 1-2 jarda línunni við eigið mark og erum komin upp á miðjan völl núna.“ Það gæti því verið að þetta nærri hálfrar aldar gamla morðmál leyist á næstunni.
Bandaríkin Mest lesið Hent nauðugri út úr hryllingshúsi vegna ógreiddrar leigu Innlent Kári segist hafa verið rekinn vegna lygasögu Innlent Konan „terroríseri“ alla í hryllingshúsinu Innlent Ætla að hernema Gasaströndina Erlent Segir réttarríkið standa í vegi sínum Erlent Segist „eiginlega sammála“ ákvörðun Amgen Innlent Íbúar Gasa verði fluttir á brott „í þágu eigin öryggis“ Erlent „Engin örugg skref, bara eitt illa unnið pennastrik“ Innlent Ekki sé hægt að kaupa fólk út eða rífa hús sem séu byggð samkvæmt leyfum Innlent Brosa hringinn á upphafsdegi strandveiða Innlent Fleiri fréttir Íbúar Gasa verði fluttir á brott „í þágu eigin öryggis“ Páfabíll verður færanleg heilsugæsla fyrir börn á Gasa Aldrei fleiri stríð í heiminum síðan í síðari heimsstyrjöld Ráðherra segir að Ísraelar muni ekki fara aftur frá Gasa Árásarmaðurinn í Uppsölum handtekinn Komu naumlega í veg fyrir hryðjuverkaárás í Bretlandi Með bæði betri og fleiri vopn en síðast Ætla að hernema Gasaströndina Segir réttarríkið standa í vegi sínum Afstýrðu sprengjutilræði á tveggja milljóna manna tónleikum Lady Gaga Fjórtán börn handtekin eftir að drengur lést í eldsvoða Til marks um „skringilega“ skautun víða um heim Ekki nein þörf á notkun kjarnorkuvopna og vonar að svo verði ekki Föður rafmyntajöfurs rænt og skorinn af honum fingur Fjarhægrimaður sigurstranglegastur í forsetakosningum Rúmena Fimm handteknir grunaðir um skipulagningu hryðjuverka Hafnaði hermönnum Trump: „Fullveldið er ekki til sölu“ PAP vann stórsigur í Singapúr Innsti hringur Trump í skærum við þýsk yfirvöld Verkamannaflokkurinn bar sigur úr býtum Íbúar Nuuk orðnir tuttugu þúsund Maður sem lét snáka bíta sig 200 sinnum lykill að tímamótamóteitri Umsetin af krókódílum í 36 klukkutíma eftir nauðlendingu Birti mynd af sér í páfaskrúða Sögulegur sigur Umbótaflokks og skipbrot stóru flokkanna tveggja Kosningar í Ástralíu: Fylgi Íhaldsflokksins dvínar vegna framgöngu Trump Fyrirgefur fjölskyldunni og leitar sátta Gera úkraínsk ungmenni að sjálfsmorðssprengjumönnum Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Sjá meira