Lífið

Nýársbingó FM95BLÖ fer fram á laugardag

Sylvía Rut Sigfúsdóttir skrifar
Fresta þurfti bingóinu eftir að Steindi greindist með Covid-19.
Fresta þurfti bingóinu eftir að Steindi greindist með Covid-19. Vísir

Meðlimir FM95BLÖ og hlaðvarpsins BLÖkastsins eru nú lausir við Covid og er því loksins hægt að halda bingóútsendinguna þeirra sem átti að fara fram fyrir áramót. Jólabingóið er nú orðið að nýársbingói og fer fram á laugardagskvöldið næsta. 

Bingóið verður sýnt í opinni dagskrá hér á Vísi og á sjónvarpsstöðinni Stöð 2 Vísi. Sérstakir gestir BLÖ-drengjanna verða Jóhanna Guðrún og Sverrir Bergmann. Auglýsingu fyrir nýársbingóið má sjá í spilaranum neðst í fréttinni. 

Svakalegir vinningar

Bingóstjórarnir eru Auðunn Blöndal og Steinþór Hróar Steinþórsson og verður fjöldinn allur af veglegum vinningum í boði fyrir þá sem eru svo heppnir að fá bingó. 

  • Hundrað þúsund krónur frá Icelandair
  • Playstation 5 tölva
  • Samsung sími
  • Úlpa frá 66°Norður
  • Gleðikrónur Gleðipinna
  • Gisting í Greenhouse Hotel
  • Fjarþjálfun
  • Töflur við brjósklosi
  • Gamalt gos

Áskrifendur BLÖkastsins fá aðgang að bingóspjöldum og getur hver fjölskyldumeðlimur sótt sér þrjú spjöld. Hægt er að nálgast spjöldin á fm95blö.is með því að kaupa áskrift og smella á stóra „BINGÓ“ takkann. Þar þurfa þeir sem vilja taka þátt að skrifa fullt nafn og slá inn símanúmer. Síðan skrá sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

BLÖ drengirnir eru klárir í bingó og lofa sturluðum vinningum.Vísir

Á leikdag er svo einfaldlega farið aftur á síðuna og smellt á takkann eða nota bingó hlekkinn sem allir áskrifendur fá í tölvupósti sama dag. Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Nánari upplýsingar má finna á vef Tal hér á Vísi.


Tengdar fréttir

Steindi með Covid og jólabingói Blökastsins frestað

Nokkrir liðsmenn Blökastsins og framleiðsluteymisins á bak við að hafa greinst smitaðir af Covid-19. Auðunn Blöndal segir stöðuna leiðinlega en lofar enn betra bingói þegar nýtt ár gengur í garð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.