Innlent

Lokað í grunn- og leik­skólum á mánu­daginn

Viktor Örn Ásgeirsson skrifar
Búist er við því að röskun verði á skólahaldi á nýju ári.
Búist er við því að röskun verði á skólahaldi á nýju ári. Vísir/Vilhelm

Lokað verður í grunn- og leikskólum í Reykjavík á mánudaginn, þann 3. janúar, vegna „skipulagsdags“. Almannavarnir gera einnig ráð fyrir að loka þurfi deildum á leikskólum eða fella niður kennslu í einstökum árgöngum grunnskóla um skemmri eða lengri tíma á næsta ári vegna hraðrar útbreiðslu kórónuveirunnar.

Í tilkynningu frá almannavarnanefnd á höfuðborgarsvæðinu, sem lesa má í heild sinni hér að neðan, kemur fram að stjórnendur muni almennt leysa forföll eins og kostur er. Síðasta bylgja faraldursins hafi haft mikil áhrif og stjórnendur og starfsfólk muni leita allra leiða til að koma í veg fyrir röskun á skólahaldi.

Þann 3. janúar á nýju ári verður skipulagsdagur haldinn í grunn- og leikskólum, eins og segir í tilkynningu frá Reykjavíkurborg. Dagurinn verður einnig haldinn í tónlistarskólum og öðru frístundastarfi frístundastarfi. Skipulagsdagurinn á að gera starfsfólki kleift að aðlaga og skipuleggja skólahald í samræmi við gildandi takmarkanir og þær aðstæður sem uppi eru í þjóðfélaginu.

Þá eru foreldrar og forráðamenn enn sem áður hvattir til að huga að persónubundnum sóttvörnum. Börn eigi ekki að mæta í skóla með kvefeinkenni og verði þeirra vart eru foreldrar hvattir til að senda börn sín í PCR próf.

Tilkynningin er á íslensku, ensku og pólsku en hana má lesa í heild sinni hér að neðan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.