Fótbolti

Elías á bekknum er Midtjylland hélt vonum sínum á lífi

Hjörtur Leó Guðjónsson skrifar
Elías Rafn Ólafsson þurfti að sætta sig við bekkjarsetu í kvöld, en lið hans færðist einu skrefi nær því að tryggja sér áframhaldandi veru í Evrópudeildinni í kvöld.
Elías Rafn Ólafsson þurfti að sætta sig við bekkjarsetu í kvöld, en lið hans færðist einu skrefi nær því að tryggja sér áframhaldandi veru í Evrópudeildinni í kvöld. Getty/Jose Manuel Alvarez

Elías Rafn Ólafsson sat allan tíman á varmannabekk Midtjylland er liðið vann virkilega mikilvægan 3-2 sigur gegn SC Braga í F-riðli Evrópudeildarinnar í kvöld.

Erik Sviatchenko kom heimamönnum í Midtjylland yfir strax á annarri mínútu áður en Ricardo Horta jafnaði metin stuttu fyrir hálfleik.

Gustav Isaksen kom Midtjylland í 2-1 snemma í seinni hálfleik áður en Wenderson Galeno jafnai metin á ný fyrir gestina fimm mínútum fyrir leikslok.

Evander Ferreira reyndist svo hetja heimamanna þegar hann tryggði Midtjylland 3-2 sigur af vítapunktinum á þriðju mínútu uppbótartíma.

Midtjylland er nú með átta stig í þriðja sæti riðilsins fyrir lokaumferðina, einu stigi á eftir Braga í öðru sæti og tveimur stigum á eftir Rauðu Stjörnunni sem situr á toppnum. Midtjylland mætir botnliði Ludogorets Razgrad í lokaumferðinni og nægir sigur til að tryggja sér farseðilinn upp úr riðlinum.

Úrslit kvöldsins

Úrslit kvöldsins í Evrópudeildinni hingað til

E-riðill

Galatasaray 4-2 Marseille

Lokomotiv Moscow 0-3 Lazio

F-riðill

Midtjylland 3-2 SC Braga

Rauða Stjarnan 1-0 Ludogorets Razgrad

G-riðill

Bayer Leverkusen 3-2 Celtic

Real Betis 2-0 Ferencvaros

H-riðill

Dinamo Zagreb 1-1 Genk

Rapid Vín 0-2 West Ham




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.