Fótbolti

Tvö mörk í uppbótartíma þegar Valencia og Atletico skildu jöfn

Arnar Geir Halldórsson skrifar
Úr leiknum í dag.
Úr leiknum í dag. vísir/Getty

Lærisveinar Diego Simeone í Atletico Madrid fóru illa að ráði sínu þegar þeir glutruðu niður tveggja marka forystu í uppbótartíma gegn Valencia í spænsku úrvalsdeildinni í dag.

Luis Suarez kom Atletico í forystu eftir rúmlega hálftíma leik og reyndist það eina mark fyrri hálfleiks.

Í síðari hálfleik hófst svo fjörið fyrir alvöru en Stefan Savic skoraði sjálfsmark á 50.mínútu og jafnaði þar með metin fyrir Valencia.

Antoine Griezmann og Sime Vrsaljko komu Atletico í 3-1 eftir klukkutíma leik þegar þeir skoruðu sitt markið hvor með mínútu millibili.

Stefndi allt í góðan útisigur Atletico en á 85.mínútu kom hinn 21 árs gamli Hugo Duro inn af bekknum hjá heimamönnum og hann átti eftir að láta að sér kveða.

Duro skoraði tvennu í uppbótartíma, minnkaði muninn í 2-3 á 92.mínútu og jafnaði svo metin á 96.mínútu. Lokatölur 3-3 eftir mikla dramatík.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.