Sjö tilkynntu byrlun á höfuðborgarsvæðinu um helgina Hallgerður Kolbrún E. Jónsdóttir skrifar 3. nóvember 2021 10:50 Sjö tilkynntu byrlun ólyfjan til lögreglunnar á höfuðborgarsvæðinu um helgina. Allir höfðu verið á skemmtistöðum eða krám í miðborginni. Vísir/Kolbeinn Tumi Sjö voru fluttir á slysadeild Landspítala um helgina vegna gruns um að þeim hafi verið byrlun ólyfjan á skemmtistöðum í miðborginni. Málin eru öll til skoðunar hjá lögreglunni á höfuðborgarsvæðinu. Þetta segir í skriflegu svari lögreglunnar við fyrirspurn fréttastofu. Greint var frá því á sunnudag að grunur leiki á að þremur hafi verið byrluð ólyfjan á Akureyri á aðfaranótt sunnudags, tveimur konum og einum karlmanni. Önnur kvennanna hafi verið nær rænulaus fyrir utan skemmtistað í bænum en vinir hinna tveggja komu þeim á slysadeild. Málin eru nú til rannsóknar hjá lögreglunni á Norðurlandi eystra. Halla Bergþóra Björnsdóttir, lögreglustjóri á höfuðborgarsvæðinu, sagði í viðtali í Morgunútvarpinu á Rás 2 í gærmorgun að lögreglan væri farin í samstarf við bráðamóttökuna vegna þessara mála. Verið sé að móta verklag til þess að tryggja rétta sýnatöku og varðveislu á sýnunum svo hægt sé að fara áfram með mál og rannsaka þau berist tilkynning til lögreglunnar. Fram kemur í svari lögreglu við fyrirspurn fréttastofu að sú vinna sé komin vel á veg. Hún sagði jafnframt að tilkynningum um byrlanir á skemmtistöðum hafi ekki fjölgað undanfarið en aukin umfjöllun gæti leitt til þess. Erfitt sé að sanna byrlunarmál Mikil umræða hefur verið um byrlanir á skemmtistöðum að undanförnu og fjöldi fólks, mest konur, hafa deilt sögum af því að hafa verið byrluð ólyfjan. Mikil umræða skapaðist um þetta á Twitter til að mynda og var það eins og olía á eldinn þegar fréttir af ungri íslenskri stelpu, sem hvarf í rúman sólarhring á Benidorm á Spáni og grunur er um að hafi verið byrlað, bárust í síðustu viku. Áslaug Arna Sigurbjörnsdóttir, dómsmálaráðherra, ræddi málið í Reykjavík síðdegis í síðustu viku og sagði þar lagarammann ekki vandamálið í byrlunarmálum heldur frekar sönnunarfærsluna. Sum lyf mælist einfaldlega ekki og önnur fari fljótt úr kerfinu hjá fólki. „Það hefur þó ekki legið á lögreglu að senda mál áfram ef það fást einhverjar sönnur fyrir því, en þar kannski liggur mesti vandinn. Að sanna þessi brot. Þau eru auðvitað þess eðlis að þetta hefur breyst hratt. Efnin sem notuð eru og hvernig þau eru notuð, hvað þau hafa löng áhrif og hvernig þau mælast í þessum prófum. Sum hafa einfaldlega ekki mælst í ákveðnum prófum, þó ég sé ekki sérstakur sérfræðingur í því,“ sagði Áslaug. Hún benti þá á að tilkynningum um byrlanir hafi fjölgað talsvert síðustu tíu árin. Skráð byrlunarmál hafi í byrjun annars áratugar þessarar aldar verið um tuttugu á ári en fyrir fimm árum hafi þau farið að nálgast hundrað á ári hverju. Ekki eru til nýrri tölur um fjölda skráðra byrlunartilkynninga hjá lögreglu en Áslaug hefur nú þegar óskað eftir þeim. Komi til greina að leita á gestum skemmtistaða fyrir inngöngu Margir hafa þá velt fyrir sér hvað skemmtistaðir og forsvarsmenn þeirra geti gert til að berjast gegn byrlunum. Áslaug nefndi að í sumum löndum sé einfaldlega leitað á fólki áður en því er hleypt inn á skemmtistaði. Birgitta Líf Björnsdóttir, eigandi Bankastræti Club í Reykjavík sagði í viðtali við Mbl.is þann 22. október að til greina kæmi að leitað yrði á gestum skemmtistaða áður en þeir fengju inngöngu. Nefndi hún í viðtalinu að hún hafi sjálf orðið vör við fjölgun byrlana á skemmtistöðum í Reykjavík undanfarnar helgar. „Það er eins og það sé einhver faraldur í gangi.“ Erfitt að greina milli ofurölvunar og byrlunar Í kjölfarið ræddi Vísir við nokkra rekstrarmenn skemmtistaða, sem sumir komu af fjöllum. Arnar Þór Gíslason, einn eigenda Dönsku krárinnar, Irishman, Enska barsins og Kalda sagðist ekkert kannast við fjölgun byrlunarmála á skemmtistöðum miðborgarinnar og taldi ólíklegt að slík mál væru að koma upp á krám og pöbbum. Hann hafi þá rætt við félaga sína í bransanum sem könnuðust ekki við nein tilvik. Aðra sögu hafði Steinþór Helgi Arnsteinsson, sem rekur Röntgen, að segja. Hann væri sjálfur meðvitaður um eitt byrlunarmál sem hafi komið upp á staðnum frá því að hann hóf rekstur fyrir tveimur árum. „Í kjölfarið fórum við í gegnum ákveðna ferla með dyravörðum okkar og starfsfólki,“ sagði hann en sagðist skelkaður að heyra orð eiganda Bankastræti Club um faraldur og hvatti fólk til að vera með vakandi augu. Starfsmenn stöðvi ódrukkið fólk sem ætli að taka ölvaða með sér heim Árni Grétar Jóhannsson, eigandi Kiki á Klapparstíg, kannaðist ekki við nýleg svona mál á sínum skemmtistað. Hann myndi þó eftir nokkrum slíkum málum sem hafi komið upp fyrir fjórum árum síðan. Erfitt væri að greina á milli ástands mjög ölvaðrar manneskju og manneskju sem búið væri að byrla ólyfjan. Það hafi þó verið brýnt fyrir starfsfólki að hafa augun opin fyrir slík og til að mynda hleypti það ekki mjög drukkinni manneskju heim með annari sem væri það ekki. Slíkt atvik hafi komið upp nýlega sem starfsmenn hafi stöðvað. „Þá var stelpa mjög drukkin og strákur á leiðinni út með henni, sem var það ekki. Starfsfólkið hafði tekið eftir því að hún kom með vinkonum. Þau vildu ekki hleupa stúlkunni út fyrr en vinkonurnar staðfestu að það væri í lagi að hún færi með stráknum, sem var svo alls ekki.“ Lögreglumál Næturlíf Reykjavík Tengdar fréttir Grunur um að þremur hafi verið byrlað Grunur leikur á að þremur hafi verið byrluð ólyfjan á Akureyri í nótt, tveimur konum og einum karlmanni. Önnur kvennanna fannst nær rænulaus fyrir utan skemmtistað í bænum en vinir hinna tveggja komu þeim á slysadeild. 31. október 2021 13:12 Taka þurfi byrlanir alvarlega en sönnun sé helsta hindrunin Dómsmálaráðherra segir mikilvægt að réttarvörslukerfið taki vel á byrlunarmálum og að frásagnir af slíku séu teknar alvarlega. Fyrst og fremst þurfi að horfa til ábyrgðar gerenda. 25. október 2021 17:40 Kannast ekkert við byrlunarfaraldur í Reykjavík Yfirmaður kynferðisbrotadeildar lögreglu og eigendur skemmtistaða og pöbba í miðbæ Reykjavíkur kannast ekki við það að byrlunarfaraldur geysi í miðbæ Reykjavíkur. Eigandi Bankastræti Club í Reykjavík segist vita um nokkur tilvik sem upp hafi komið á staðnum undanfarnar vikur og fleiri stöðum. 22. október 2021 14:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Ísraelsmenn vísa fréttamönnum á dyr Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira
Þetta segir í skriflegu svari lögreglunnar við fyrirspurn fréttastofu. Greint var frá því á sunnudag að grunur leiki á að þremur hafi verið byrluð ólyfjan á Akureyri á aðfaranótt sunnudags, tveimur konum og einum karlmanni. Önnur kvennanna hafi verið nær rænulaus fyrir utan skemmtistað í bænum en vinir hinna tveggja komu þeim á slysadeild. Málin eru nú til rannsóknar hjá lögreglunni á Norðurlandi eystra. Halla Bergþóra Björnsdóttir, lögreglustjóri á höfuðborgarsvæðinu, sagði í viðtali í Morgunútvarpinu á Rás 2 í gærmorgun að lögreglan væri farin í samstarf við bráðamóttökuna vegna þessara mála. Verið sé að móta verklag til þess að tryggja rétta sýnatöku og varðveislu á sýnunum svo hægt sé að fara áfram með mál og rannsaka þau berist tilkynning til lögreglunnar. Fram kemur í svari lögreglu við fyrirspurn fréttastofu að sú vinna sé komin vel á veg. Hún sagði jafnframt að tilkynningum um byrlanir á skemmtistöðum hafi ekki fjölgað undanfarið en aukin umfjöllun gæti leitt til þess. Erfitt sé að sanna byrlunarmál Mikil umræða hefur verið um byrlanir á skemmtistöðum að undanförnu og fjöldi fólks, mest konur, hafa deilt sögum af því að hafa verið byrluð ólyfjan. Mikil umræða skapaðist um þetta á Twitter til að mynda og var það eins og olía á eldinn þegar fréttir af ungri íslenskri stelpu, sem hvarf í rúman sólarhring á Benidorm á Spáni og grunur er um að hafi verið byrlað, bárust í síðustu viku. Áslaug Arna Sigurbjörnsdóttir, dómsmálaráðherra, ræddi málið í Reykjavík síðdegis í síðustu viku og sagði þar lagarammann ekki vandamálið í byrlunarmálum heldur frekar sönnunarfærsluna. Sum lyf mælist einfaldlega ekki og önnur fari fljótt úr kerfinu hjá fólki. „Það hefur þó ekki legið á lögreglu að senda mál áfram ef það fást einhverjar sönnur fyrir því, en þar kannski liggur mesti vandinn. Að sanna þessi brot. Þau eru auðvitað þess eðlis að þetta hefur breyst hratt. Efnin sem notuð eru og hvernig þau eru notuð, hvað þau hafa löng áhrif og hvernig þau mælast í þessum prófum. Sum hafa einfaldlega ekki mælst í ákveðnum prófum, þó ég sé ekki sérstakur sérfræðingur í því,“ sagði Áslaug. Hún benti þá á að tilkynningum um byrlanir hafi fjölgað talsvert síðustu tíu árin. Skráð byrlunarmál hafi í byrjun annars áratugar þessarar aldar verið um tuttugu á ári en fyrir fimm árum hafi þau farið að nálgast hundrað á ári hverju. Ekki eru til nýrri tölur um fjölda skráðra byrlunartilkynninga hjá lögreglu en Áslaug hefur nú þegar óskað eftir þeim. Komi til greina að leita á gestum skemmtistaða fyrir inngöngu Margir hafa þá velt fyrir sér hvað skemmtistaðir og forsvarsmenn þeirra geti gert til að berjast gegn byrlunum. Áslaug nefndi að í sumum löndum sé einfaldlega leitað á fólki áður en því er hleypt inn á skemmtistaði. Birgitta Líf Björnsdóttir, eigandi Bankastræti Club í Reykjavík sagði í viðtali við Mbl.is þann 22. október að til greina kæmi að leitað yrði á gestum skemmtistaða áður en þeir fengju inngöngu. Nefndi hún í viðtalinu að hún hafi sjálf orðið vör við fjölgun byrlana á skemmtistöðum í Reykjavík undanfarnar helgar. „Það er eins og það sé einhver faraldur í gangi.“ Erfitt að greina milli ofurölvunar og byrlunar Í kjölfarið ræddi Vísir við nokkra rekstrarmenn skemmtistaða, sem sumir komu af fjöllum. Arnar Þór Gíslason, einn eigenda Dönsku krárinnar, Irishman, Enska barsins og Kalda sagðist ekkert kannast við fjölgun byrlunarmála á skemmtistöðum miðborgarinnar og taldi ólíklegt að slík mál væru að koma upp á krám og pöbbum. Hann hafi þá rætt við félaga sína í bransanum sem könnuðust ekki við nein tilvik. Aðra sögu hafði Steinþór Helgi Arnsteinsson, sem rekur Röntgen, að segja. Hann væri sjálfur meðvitaður um eitt byrlunarmál sem hafi komið upp á staðnum frá því að hann hóf rekstur fyrir tveimur árum. „Í kjölfarið fórum við í gegnum ákveðna ferla með dyravörðum okkar og starfsfólki,“ sagði hann en sagðist skelkaður að heyra orð eiganda Bankastræti Club um faraldur og hvatti fólk til að vera með vakandi augu. Starfsmenn stöðvi ódrukkið fólk sem ætli að taka ölvaða með sér heim Árni Grétar Jóhannsson, eigandi Kiki á Klapparstíg, kannaðist ekki við nýleg svona mál á sínum skemmtistað. Hann myndi þó eftir nokkrum slíkum málum sem hafi komið upp fyrir fjórum árum síðan. Erfitt væri að greina á milli ástands mjög ölvaðrar manneskju og manneskju sem búið væri að byrla ólyfjan. Það hafi þó verið brýnt fyrir starfsfólki að hafa augun opin fyrir slík og til að mynda hleypti það ekki mjög drukkinni manneskju heim með annari sem væri það ekki. Slíkt atvik hafi komið upp nýlega sem starfsmenn hafi stöðvað. „Þá var stelpa mjög drukkin og strákur á leiðinni út með henni, sem var það ekki. Starfsfólkið hafði tekið eftir því að hún kom með vinkonum. Þau vildu ekki hleupa stúlkunni út fyrr en vinkonurnar staðfestu að það væri í lagi að hún færi með stráknum, sem var svo alls ekki.“
Lögreglumál Næturlíf Reykjavík Tengdar fréttir Grunur um að þremur hafi verið byrlað Grunur leikur á að þremur hafi verið byrluð ólyfjan á Akureyri í nótt, tveimur konum og einum karlmanni. Önnur kvennanna fannst nær rænulaus fyrir utan skemmtistað í bænum en vinir hinna tveggja komu þeim á slysadeild. 31. október 2021 13:12 Taka þurfi byrlanir alvarlega en sönnun sé helsta hindrunin Dómsmálaráðherra segir mikilvægt að réttarvörslukerfið taki vel á byrlunarmálum og að frásagnir af slíku séu teknar alvarlega. Fyrst og fremst þurfi að horfa til ábyrgðar gerenda. 25. október 2021 17:40 Kannast ekkert við byrlunarfaraldur í Reykjavík Yfirmaður kynferðisbrotadeildar lögreglu og eigendur skemmtistaða og pöbba í miðbæ Reykjavíkur kannast ekki við það að byrlunarfaraldur geysi í miðbæ Reykjavíkur. Eigandi Bankastræti Club í Reykjavík segist vita um nokkur tilvik sem upp hafi komið á staðnum undanfarnar vikur og fleiri stöðum. 22. október 2021 14:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Ísraelsmenn vísa fréttamönnum á dyr Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira
Grunur um að þremur hafi verið byrlað Grunur leikur á að þremur hafi verið byrluð ólyfjan á Akureyri í nótt, tveimur konum og einum karlmanni. Önnur kvennanna fannst nær rænulaus fyrir utan skemmtistað í bænum en vinir hinna tveggja komu þeim á slysadeild. 31. október 2021 13:12
Taka þurfi byrlanir alvarlega en sönnun sé helsta hindrunin Dómsmálaráðherra segir mikilvægt að réttarvörslukerfið taki vel á byrlunarmálum og að frásagnir af slíku séu teknar alvarlega. Fyrst og fremst þurfi að horfa til ábyrgðar gerenda. 25. október 2021 17:40
Kannast ekkert við byrlunarfaraldur í Reykjavík Yfirmaður kynferðisbrotadeildar lögreglu og eigendur skemmtistaða og pöbba í miðbæ Reykjavíkur kannast ekki við það að byrlunarfaraldur geysi í miðbæ Reykjavíkur. Eigandi Bankastræti Club í Reykjavík segist vita um nokkur tilvik sem upp hafi komið á staðnum undanfarnar vikur og fleiri stöðum. 22. október 2021 14:57