Lögreglan í Kaupmannahöfn handtók fimm Íslendinga vegna líkamsárásar um miðjan síðasta mánuð.Nurphoto/GettyImages
Tveir íslenskir karlmenn eru enn í gæsluvarðhaldi hjá lögreglunni í Kaupmannahöfn, tæpum sex vikum eftir að þeir voru handteknir.
Íslendingarnir hafa, ásamt tveimur öðrum íslenskum ríkisborgurum sem ganga þó lausir núna, allir verið ákærðir af dönsku ákæruvaldi fyrir alvarlega líkamsárás í miðbæ Kaupmannahafnar aðfaranótt 17. september. Fórnarlamb þeirrar árásar slasaðist alvarlega í árásinni og var sagður hafa misst meðvitund um stundarsakir.
Allir fjórir ákærðu eru á aldrinum 20-22 ára en þeir sem þeim er gefið að sök að hafa ráðist á tuttugu og eins árs. Þar með eiga þeir að hafa gerst brotlegir við ákvæði í dönskum hegningarlögum sem varðar við allt að sex ára fangelsi, að því er fram kemur í svari dönsku lögreglunnar til fréttastofu.
Áður hafði lögreglan í Kaupmannahöfn upplýst um að fimm hefðu verið kærðir en nú er rætt um fjóra. Mennirnir eru ekki að öllu jöfnu búsettir í Kaupmannahöfn.
Fimm Íslendingar hafa verið ákærðir fyrir líkamsárás í miðbæ Kaupmannahafnar aðfaranótt 17. september. Áður hafði Vísir greint frá handtöku þeirra allra en nú hefur lögreglan í Kaupmannahöfn staðfest við fréttastofu að allir þeirra hafi verið ákærðir.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
