Sport

Guðrún Arnardóttir meistari í Svíþjóð

Sigurður Orri Kristjánsson skrifar
Guðrún í leik með íslenska landsliðinu
Guðrún í leik með íslenska landsliðinu EPA/Filipe Farinha

Guðrún Arnardóttir og stöllur hennar í Rosengard unnu í dag sænska meistaratitilinn þegar liðið sigraði Pitea, 2-3.

Rosengard, sem gat tryggt sér titilinn með sigri, byrjaði leikinn betur og komst yfir með marki frá Olivia Scough strax á 6. mínútu leiksins. Aman Imo jafnaði svo fyrir Pitea á 18. mínútu.

Stefanie Sanders kom svo Rosengard aftur yfir en aftur jafnaði Pitea, í þetta sinn með marki frá Sofia Wannerdahl. Sanders var svo aftur á ferðinni og tryggði Rosengard sigurinn. Liðið hefur nú sjö stiga forystu í deildinni þegar einungis tvær umferðir eru eftir. Þar með er ljóst að liðið er Svíþjóðarmeistari.

Guðrún Arnardóttir spilaði allan leikinn í hjarta varnarinnar hjá Rosengard en Hlín Eiríksdóttir var í byrjunarliði Pitea. Pitea er í næst neðsta sæti deildarinnar með sextán stig.




Fleiri fréttir

Sjá meira


×