Enn ekki búið að taka ákvörðun í máli Gylfa

Hallgerður Kolbrún E. Jónsdóttir skrifar 15. október 2021 10:51

Gylfi hefur verið í farbanni og laus gegn tryggingu síðan hann var handtekinn í júlí. Vísir/Bára Dröfn Kristinsdóttir

Lögreglan í Manchester hefur enn ekki tekið ákvörðun hvort Gylfi Þór Sigurðsson, knattspyrnumaður, verði ákærður fyrir kynferðisbrot gegn barni, hvort hann verði áfram laus gegn tryggingu eða hvort mál hans verði látið niður falla.

Þetta segir í svari upplýsingafulltrúa lögreglunnar í Manchester á Englandi við fyrirspurn fréttastofu.

Gylfi Þór var handtekinn grunaður um kynferðisbrot gegn barni 16. júlí síðastliðinn. Síðan þá hefur hann verið laus gegn tryggingu en í farbanni en það fyrirkomulag rennur út á morgun, 16. október. Lögreglan verður því að taka ákvörðun fyrir morgundaginn um hvert framhaldið í málinu verði.

Samkvæmt svari lögreglunnar við fyrirspurn fréttastofu er ólíklegt að framhaldið verði tilkynnt fyrr en á mánudag, þar sem fyrirkomulagið rennur út um helgi.

Mál Gylfa Þórs Sigurðssonar Landsliðsmenn sakaðir um kynferðisofbeldi Fótbolti England Bretland Íslendingar erlendis

Tengdar fréttir

Ákvörðun um framhaldið í máli Gylfa líklega tekin á morgun

Lögreglan í Manchester á Bretlandi mun að öllum líkindum taka ákvörðun um það á morgun hvort Gylfi Þór Sigurðsson, knattspyrnumaður, verði ákærður fyrir kynferðisofbeldi gegn barni eða hvort farbann yfir honum verði framlengt.

14. október 2021 14:35

Enginn Aron Einar, jarðarfararstemning, stungið af en ljós við enda ganganna

Þótt öldugangurinn í kringum karlalandsliðið í fótbolta hafi ekki verið jafn mikill í nýafstaðinni landsleikjahrinu og þeirri síðustu var sjórinn ekki spegilsléttur þegar kemur að strákunum okkar.

14. október 2021 10:01

Gylfi ekki í hópi Everton fyrir veturinn

Gylfi Þór Sigurðsson er ekki í hópi Everton fyrir tímabilið í Úrvalsdeildinni í vetur. Liðin sem keppa í deildinni skiluðu í gær listum yfir þá leikmenn sem mega keppa í vetur og Gylfi er ekki einn af þeim 24 sem Rafa Benitez, þjálfari Everton valdi.

12. september 2021 10:47