Innlent

Enginn skóli á morgun: Stofnanir á Húsa­vík lokaðar vegna smita

Árni Sæberg skrifar
Húsavík, við Skjálfanda.
Húsavík, við Skjálfanda. Vísir/Vilhelm

Skólahald í Borgarhólsskóla á Húsavík fellur niður á morgun og þriðjudag vegna kórónuveirusmita meðal nemenda og starfsfólks. Þá verður Stjórnsýsluhúsið í bænum einnig lokað á morgun vegna smits.

Í tilkynningu á vefsíðu Borgarhólsskóla segir að smitrakning standi nú yfir og að staðan verði endurmetin á þriðjudag. Hvorki nemendur né starfsfólk mæti til vinnu.

Skólastjórnendur mælist til þess að fólk haldi sig til hlés, forðist hópamyndun og fari í sýnatöku ef minnstu einkenna verður vart.

„Nú reynir á að sýna skynsemi, úthald og æðruleysi. Sömuleiðis hvetjum við alla til að viðhafa persónulegar sóttvarnir; spritta og spritta,“ segir í tilkynningunni.

Í tilkynningu Stjórnsýsluhússins segir að einhver fjöldi starfsmanna sé kominn í sóttkví vegna smits. Framhaldið muni skýrast frekar á morgun og vonast sé til að unnt verði að opna aftur fyrir þjónustu á þriðjudag.

„Við hvetjum alla til að fara varlega og gæta sérstaklega að sóttvörnum,“ segir í lok tilkynningar.

Norðurþing Skóla - og menntamál Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið