Fótbolti

Glódís Perla skoraði í stórsigri Bayern

Hjörtur Leó Guðjónsson skrifar
Glódís Perla Viggósdóttir skoraði fimmta mark Bayern í kvöld.
Glódís Perla Viggósdóttir skoraði fimmta mark Bayern í kvöld. VÍSIR/HULDA MARGRÉT

Glódís Perla Viggósdóttir skoraði fimmta mark Bayern München sem vann öruggan 6-0 útisigur gegn Köln í þýsku úrvalsdeildinni í knattspyrnu.

Maximiliane Rall kom Bayern yfir á 17. mínútu áður en Saki Kumagai tvöfaldaði forystuna fjórum mínútum síðar.

Rall var svo aftur á ferðinni á 27. mínútu þegar hún breytti stöðunni í 3-0, og Linda Dallmann bætti fjórða markinu við stuttu fyrir hálfleik.

Staðan var því 4-0 þegar að gengið var til búningsherbergja, en Glódís Perla kom gestunum í 5-0 þegar að um stundarfjórðungur var til leiksloka.

Viviane Asseyi gulltryggði síðan 6-0 stórsigur þýsku meistarana, en liðið er enn með fullt hús stiga á toppi deildarinnar eftir fjórar umferðir. 




Fleiri fréttir

Sjá meira


×