Úrslit: Arsenal - Tottenham 3-1 | Auðvelt hjá Arsenal í Lundúnaslagnum

Bukayo Saka var allt í öllu í dag.
Bukayo Saka var allt í öllu í dag. EPA-EFE/Facundo Arrizabalaga

Fyrir leikinn var ljóst að bæði lið þurftu stigin þrjú enda hefur upphaf tímabilsins ekki verið gott hjá liðunum. Arsenal höfðu sex stig fyrir leikinn en Tottemham níu.

Rauðklæddir heimamenn voru hættulegri í upphafi leiks og þeir komust yfir á 12. mínútu. Martin Odegaard átti þá sprett up miðjuna og fann Bukayo Saka á hægri vængnum. Saka kom sér í fyrirgjafastöðu og sendi boltann fyrir meðfram jörðinni að markteignum. Þar mætti hinn ungi Emile Smith-Rowe fyrstu á boltann og skoraði auðveldlega.

Smith-Rowe lagði svo upp næsta mark fyrir Pierre Emerick Aubameyang á 28. mínútu. Arsenal braut þá hápressu Tottenham manna nokkuð brösulega en Aubameyang átti svo frábæra sendingu á Smith-Rowe sem geystist upp völlinn og lagði boltann svo aftur á Aubameyang sem skoraði með viðstöðulausu skoti í hægra hornið. 2-0 og Tottenham í vandræðum.

Áður en hálfleiksflautið gall þá voru Skytturnar komnar í 3-0. Harry Kane tapaði boltanum klaufalega á vallarhelmingi Arsenal og boltinn barst á Saka á hægri kantinum. Saka gerði þetta svo bara sjálfur, lék á tvo varnarmenn og skoraði. Frábært mark og leikurinn í rauninni búinn.

Heung-Min Son lagaði svo stöðuna aðeins á 78. mínútu með skoti úr teignum eftir sendingu frá Reguilon.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.