Sport

Tryggði dísætan sigur með heljarstökki eftir afar dökkt útlit

Sindri Sverrisson skrifar
Lamar Jackson með sendingu á Marquise Brown sem skoraði snertimark í þriðja leikhluta.
Lamar Jackson með sendingu á Marquise Brown sem skoraði snertimark í þriðja leikhluta. Getty/Todd Olszewski

Patrick Mahomes og félagar í Kansas City Chiefs urðu að sætta sig við 36-35 tap gegn Baltimore Ravens í gær þrátt fyrir að hafa verið ellefu stigum yfir fyrir lokaleikhlutann, 35-24.

Lamar Jackson, leikstjórnandi Baltimore, bar liðið áfram, sérstaklega á lokakaflanum. Alls hljóp hann 113 jarda og kastaði 239 jarda í leiknum og sá til þess að meiðslum hrjáð lið Ravens færi með sigur af hólmi.

Jackson skoraði tvö snertimörk í lokaleikhlutanum og það seinna gerði hann með heljarstökki yfir línuna eftir eins jarda sókn þegar þrjár mínútur voru til leiksloka, sem tryggði Baltimore á endanum dísætan sigur.

„Það er gott að losna við þessa grýlu,“ sagði Jackson eftir leik en þrjú af átta síðustu töpum Baltimore í deildarkeppni hafa komið gegn Kansas City.

„Núna þurfum við að horfa til Detroit. Við erum ekki búnir að vinna Ofurskálina. Þetta var bara einn leikur. Við verðum að halda einbeitingu,“ sagði Jackson.

Baltimore vann boltann aftur þegar 1 mínúta og 20 sekúndur voru eftir, og Kansas átti eftir 32 jarda í markið.

Jackson sá svo til þess að tíminn rynni út áður en Kansas fengi annað tækifæri. Þegar rúm mínúta var eftir og Baltimore átti eina tilraun eftir, til að komast einn jarda áfram 43 jördum frá eigin marki, kallaði þjálfarinn John Harbaugh á Jackson og sagði honum að halda áfram í stað þess að boltanum væri sparkað yfir.

Þetta er aðeins í annað sinn frá árinu 2000 sem að lið bregður á þetta ráð þegar innan við tvær mínútur eru eftir og munurinn á liðunum minni en eitt snertimark.

Baltimore nú því með einn sigur og eitt tap eftir fyrstu tvær umferðir tímabilsins.

Úrslit gærdagsins:

  • Jets - Patriots 6-25
  • Jaguars - Broncos 13-23
  • Dolphins - Bills 0-35
  • Eagles - 49ers 11-17
  • Colts - Rams 24-27
  • Steelers - Raiders 17-26
  • Bears - Bengals 20-17
  • Browns - Texans 31-21
  • Panthers - Saints 26-7
  • Cardinals - Vikings 34-33
  • Buccaneers - Falcons 48-25
  • Seahawks - Titans 30-33
  • Chargers - Cowboys 17-20
  • Ravens - Chiefs 36-35

NFL er á Stöð 2 Sport en upplýsingar um útsendingar má finna hér. NFL er hluti af Stöð 2 Sport erlent sem kostar 3.990 krónur á mánuði. Beinar útsendingar frá öllum leikjum eru á NFL Game Pass sem hægt er að kaupa sem viðbót við Sportpakkann á 2.990 krónur á mánuði.

NFL



Fleiri fréttir

Sjá meira


×