Lífið samstarf

Æfa til að líða vel og ekkert kjaftæði

Trainstation
 Sif Garðarsdóttir og Guðjón ingi Sigurðsson reka líkamsræktarstöðina Trainstation. Þau stofnuðu stöðina fyrir fólk sem vill einfaldlega æfa, gera það rétt og líða vel.
 Sif Garðarsdóttir og Guðjón ingi Sigurðsson reka líkamsræktarstöðina Trainstation. Þau stofnuðu stöðina fyrir fólk sem vill einfaldlega æfa, gera það rétt og líða vel. Trainstation

Einstaklingsmiðuð hópþjálfun er sérstaða Trainstation.

Sif Garðarsdóttir nýtti meira en tveggja áratuga reynslu sína sem einkaþjálfari þegar hún stofnaði þjálfunarstöðina Trainstation, ásamt Guðjóni Inga Sigurðssyni og býður upp á einstaklingsmiðaða hópþjálfun.

„Okkur fannst vanta líkamsrækt þar sem fólk gæti treyst því að það fengi faglega aðstoð við þjálfun nákvæmlega þar sem það er statt, heimilislegt andrúmsloft, ásamt aðgengi að fullbúinni aðstöðu til styrktarþjálfunar,“ segir Sif.

Trainstation

„Við leggjum mikinn metnað í að mæta hverjum og einum akkúrat þar sem hann er staddur. Flestir okkar kúnnar eru yfir 30 ára, fólk sem vill bara koma að æfa, gera það rétt og líða vel, ekkert kjaftæði. Hjá okkur eru engir speglar til dæmis og voða litlar líkur á því að þau lendi óvart inni í myndbandi á netinu sem einhver annar er að taka, sem er víst orðið daglegt brauð inni á flestum líkamsræktarstöðvum,“ segir Sif. Kúnnahópur Trainstation kunni vel að meta að fá sitt næði og þau hafi til dæmis ákveðið að halda hólfaskiptingunni sem varð til í covid.

Trainstation

„Ég man hvað ég kveið því að bjóða fólki upp á það að æfa í hólfaskiptum sal þegar Covid takmarkanir hófust en ótrúlegt en satt þá bara erum við ennþá í því þar sem fólkinu okkar leið bara ótrúlega vel í sínu hólfi. Þau bara mæta og hólfið er tilbúið fyrir þau, þeirra æfing í hólfinu og allur búnaður uppsettur. Hver og einn fær sína æfingu út frá markmiðum, því sem þau hafa nú þegar lokið og styrkleika. Þau gera sína æfingu og í næsta hólfi er einhver annar að gera eitthvað allt annað.

Þetta er okkar sérstaða, einstaklingsmiðuð þjálfun í hóp,“ segir Sif.

Trainstation

Skilvirkt utanumhald

„Við höldum vel utan um hvern og einn og fylgjum fólkinu okkar eftir með því að skrá niður allar æfingar hjá þeim og vitum því alltaf hvað var gert síðast, hvenær og hvað sé næst. kerfið okkar byggir á styrk, liðleika- og hreyfanleika. Við höldum okkur einfaldlega við það sem virkar enda eru flestir okkar kúnnar að æfa til þess að vera í lagi líkamlega þegar þau eldast frekar en að ná sér í sixpakk á sem stystum tíma,“ segir Sif.

„Það geta 25 manns æft í salnum í einu og fólk skráir sig bara í bókunarkerfinu svo við getum undirbúið salinn og verið með allt tilbúið þegar þú mætir. Við erum þrjú sem sjáum um þjálfunina inni í sal og þekkjum alla með nafni. Okkar viðskiptavinir finna að þeir skipta máli.“

Trainstation

Hægt að prófa í heila viku

„Við viljum ekki að fólk kaupi sér kort og sjáist svo ekki meira á stöðinni. Þess vegna bjóðum við upp á prufuviku svo fólk geti gengið úr skugga um að það vilji æfa hjá okkur. Eftir fyrstu vikuna setjumst við niður með viðkomandi og förum yfir heilsufarið og mataræðið og setjum saman plan útfrá því hvert markmið viðkomandi er. Við bjóðum einnig upp á jógatíma, pílates, nuddrúllutíma og kraftlyftingar og beinum fólki í það sem hentar því og þeirra markmiðum,“ segir Sif.

Nánari upplýsingar er að finna á trainstation.is

Trainstation



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.