Lífið

Oddvitaáskorunin: Klifraði upp á svalir og kom að kærustunni með öðrum manni

Samúel Karl Ólason skrifar
Eyjólfur í Rússlandi 2018.
Eyjólfur í Rússlandi 2018.

Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum.

Eyjólfur Ármannsson leiðir lista Flokks fólksins í Norðvesturkjördæmi í kosningunum.

Hann er fæddur í Vestmannaeyjum en foreldrar hans eru Guðjón Ármann Eyjólfsson, sjóliðsforingi og skólastjóri Stýrimannaskólans í Reykjavík til margra ára, og Anika Jóna Ragnarsdóttir, húsmóðir og sjúkraliði. Fjölskyldan flutti frá Eyjum í eldgosinu, þegar Eyjólfur var á fjórða aldursári. Fluttu þau þá til Reykjavíkur þar sem Eyjólfur ólst upp. Eyjólfur hefur ávallt dvalið mikið á Vestfjörðum en móðurfjölskylda Eyjólfs kemur frá Lokinhamradal, milli Arnarfjarðar og Dýrafjarðar.

Eyjólfur er lögfræðingur frá Háskóla Íslands, nam Evrópurétt við Kaþólska háskólann í Leuven í Belgíu er með meistarapróf í lögfræði (LL.M.) frá University of Pennsylvania og nam í hagfræði í Wharton. Hann hefur unnið víða innan stjórnsýslunnar, hjá sýslumanni, fjármálaráðuneytinu, Fjármálaeftirlitinu, Skipulagsstofnun, og var aðstoðarsaksóknari í efnahagsbrotadeild Ríkislögreglustjóra og í lögmennsku. Hann vann frá 2011 hjá norska stórbankanum DNB í Osló og síðar hjá Nordea, stærsta banka Norðurlanda.

Eyjólfur er formaður Orkunnar okkar, samtaka þeirra sem vilja standa vörð um sjálfsákvörðunarrétt Íslands í orkumálum, og einn aðalhöfunda sérfræðingaskýslu samtakana um þriðja orkupakkan og orkustefnu ESB „Áhrif inngöngu Íslands í orkusamband ESB – frá orkusamvinnu til orkusambands”.

Klippa: Oddvitaáskorun - Eyjólfur Ármansson

Hver er fallegasti staðurinn á Íslandi?

Skeggi við Lokinhamradal, Arnarfirði.

Hvað færðu þér í bragðaref?

Fæ mér aldrei bragðaref. Ís í brauðformi.

Uppáhalds bók?

Glæpur og refsing eftir Fyodor Dostoevsky.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Evróvisjón Húsavíkurlagið.

Hvar á Íslandi myndir þú helst vilja búa? (Ekki í þínu kjördæmi)

Reykjavík.

Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi.

Tók í gegn íbúðina. Las bók um svefn, Why we sleep, og þrjár bækur um þarmana Sjarmen med tarmen, Hjernen og tarmen og Sund tarm - klart hode.

Hvað tekur þú í bekk?

Veit ekki, hef aldrei tekið neitt í bekk.

Burstar þú tennurnar fyrir eða eftir morgunmat?

Eftir.

Eyjólfur í Arnarfirði.

Draumastarfið? (Fyrir utan þingsetu)

Starfa sem lögfræðingur.

Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi?

Að hann væri fáviti og stórglæpamaður sem kúgaði og ofsótti þjóð sína og væri einn af illmennum heimsins.

Uppáhalds tónlistarmaður?

Bach og Dua Lipa.

Ein sterkasta minningin úr æsku?

Eldgosið í Eyjum.

Hver er fyrirmynd þín í pólitík?

Alltaf mjög hrifinn af Thomas Jefferson.

Besta íslenska Eurovision-lagið?

Nína.

Besta frí sem þú hefur farið í?

HM í Rússlandi 2018 og fylgja íslenska landsliðinu

Uppáhalds þynnkumatur?

Hamborgari á Hamborgarabúllu Tomma. Klikkaði aldrei.

Hve oft hefur þú farið að sjá eldgosið?

Einu sinni.

Uppáhalds Fóstbræðraatriði?

Indriði og ofninn á ganginum.

Besti fimmaurabrandarinn?

Einu sinni voru Frakki, Pólverji og Íslendingur í Eiffel-turninum í París. Frakki henti niður Croissant. Pólverjinn og Íslendingurinn spurðu af hverju hentirðu niður Croissant? Frakkinn sagði, það er svo mikið af Croissant í Frakklandi. Pólverjinn henti niður pylsu. Frakkinn og Íslendingurinn spurðu, af hverju hentirðu niður pylsunni? Póljverjinn svaraði það er svo mikið af pylsum í Póllandi. Íslendingurinn henti niður Pólverjanum. Frakkinn spurði, af hverju hentirðu niður Pólverjanum. Íslendingurinn svaraði, það er svo mikið af Pólverjum á Íslandi. (Var tekinn úr brandarkeppni í Vatnaskógi í sumar.).

Uppáhalds uppátækið frá framhaldsskólaárunum?

Að hafa farið til Bandaríkjanna sem skiptinemi.

Rómantískasta uppátækið?

Að klifra upp svalir hjá kærustu á Garði og sjá hana með öðrum í rúminu og þurfa síðan að ganga út á BSÍ í rigningu til að fá leigubíl heim.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.