Byrjunarlið Íslands: Jóhann Berg fyrirliði og Rúnar Alex stendur vaktina í markinu

Rúnar Alex Rúnarsson ver mark Íslendinga á kostnað Hannesar Þórs Halldórssonar.

Hjörtur Hermannsson spilar í miðri vörninni ásamt Brynjari Inga Bjarnasyni sem leikur sinn fyrsta keppnisleik með landsliðinu. Birkir Már Sævarsson og Guðmundur Þórarinsson eru í bakvörðunum.

Guðlaugur Victor Pálsson er aftastur á miðjunni og fyrir framan hann eru Birkir Bjarnason og Andri Fannar Baldursson, en Birkir er að spila landsleik númer 99.

Jóhann Berg Guðmundsson og Albert Guðmundsson eru á köntunum og fremstur er Viðar Örn Kjartansson.

Leikur Íslands og Rúmeníu hefst klukkan 18:45 og verður í beinni textalýsingu á Vísi.