Erlent

Neyðarástand í New York vegna úrhellis og flóða

Atli Ísleifsson skrifar
Sums staðar í borginni virðast heilu stöðuvötnin hafa myndast.
Sums staðar í borginni virðast heilu stöðuvötnin hafa myndast. epa/Justin Lane

Neyðarástandi hefur verið lýst yfir í New York-borg vegna gríðarlegs úrhellis og flóða vegna hitabeltisstormsins Ídu, sem hefur fikrað sig norður austurströnd Bandaríkjanna síðustu daga.

 Borgarstjórinn Bill de Blasio sagði borgarbúa nú þurfa að þola sögulegt óveður, með „rosalegum flóðum“ þar sem hættulegar aðstæður hafa skapast á vegum. 

Þannig mældist úrkoma í Central Park í New York átta sentimetrar á einum klukkutíma í gær. 

Á samfélagsmiðlum hefur sést hvernig vatn hefur flætt niður á neðanjarðarlestarstöðvar og inn á heimili fólks. Einnig hefur flætt yfir fjölda vega. 

Yfirvöld í New Jersey hafa sömuleiðis lýst yfir neyðarástandi. Þar hefur þegar verið tilkynnt um eitt dauðsfall sem rakið er til Ídu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.