Innlent

Litlar breytingar í veðrinu í dag

Atli Ísleifsson skrifar
Litlar breytingar verða í veðrinu næstu daga en útlit er fyrir að það dragi úr suðvestanáttinni í lok vikunnar.
Litlar breytingar verða í veðrinu næstu daga en útlit er fyrir að það dragi úr suðvestanáttinni í lok vikunnar. Vísir/Vilhelm

Litlar breytingar verða í veðrinu í dag með suðvestanátt á landinu og yfirleitt á bilinu fimm til þrettán metrum á sekúndu.

Í hugleiðingum veðurfræðings á vef Veðurstofunnar segir að víða verði léttskýjað á austurhluta landsins en þungbúið og dálítil rigning eða súld með köflum sunnan- og vestantil.

Hiti verður á bilinu ellefu til 21 stig þar sem hlýjast verður austast á landinu.

Litlar breytingar verða í veðrinu næstu daga en útlit er fyrir að það dragi úr suðvestanáttinni í lok vikunnar.

Veðurhorfur á landinu næstu daga

Á þriðjudag og miðvikudag: Sunnan og suðvestan, víða 5-10 m/s og dálítil væta með köflum, en yfirleitt léttskýjað austantil. Hiti 12 til 21 stig, hlýjast eystra.

Á fimmtudag: Breytileg átt, 3-8 m/s og skúrir eða dálítil rigning, en þurrt að kalla suðaustanlands. Hiti 9 til 17 stig, svalast nyrst.

Á föstudag: Suðaustlæg eða breytilega átt og dálítil væta með köflum, en yfirleitt þurrviðri norðaustanlands. Hiti 9 til 17 stig, hlýjast á Austurlandi.

Á laugardag: Líklega stíf suðaustanátt og rigning með köflum sunnan- og vestanlands. Hægari vindur og bjartviðri norðaustantil.

Á sunnudag: Útlit fyrir ákveðna suðaustanátt og rigningu, einkum sunnan- og vestantil.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.