Erlent

„Sunnudagurinn var hræðilegasti dagur lífs míns“

Tryggvi Páll Tryggvason skrifar
Framtíðin virðist ekki björt fyrir afganskar konur.
Framtíðin virðist ekki björt fyrir afganskar konur. AP/Rahmat Gul

Afgönsk kona sem býr í Kabúl, höfuðborg Afganistan, og starfaði fyrir ríkisstjórnina sem þar var við völd áður en Talibanar tóku völdin segist óttast mjög um framtíðina undir stjórn Talibana.

Hún segist vera í felum heima hjá sér og að ekki sé hægt að treysta orðum Talibana um að stjórnartíðin nú verði mildari.

Talibanar hafa tekið völdin í Afganistan eftir að þeir náðu yfirráðum yfir höfuðborginni á sunnudaginn. Talibanar voru við völd í landinu á árunum 1996-2001. Undir stjórn þeirra voru réttindi kvenna mjög skert, og óttast margir að það sama verði upp á teningnum nú.

Þeirra á meðal er kona sem ræddi við BBC án þess að koma fram undir nafni, enda óttast hún mjög um afdrif sín nú þegar Talibanar hafa tekið yfir.

„Sunnudagurinn var hræðilegasti dagur lífs míns,“ skrifar konan á vef BBC þar sem hún lýsir sunnudeginum. 

Óttaðist um líf sitt vegna þess hvernig hún var klædd

Segir hún að íbúar hafi verið hræddir við að yfirtaka Talibana væri yfirvofandi, en að hún hafi ekki talið mögulegt að þeir kæmust inn í höfuðborgina. Hún hafi því farið til vinnu þennan sunnudagsmorgun. Þegar hún yfirgaf vinnustaðinn sá hún að andrúmsloftið hafði breyst. Hún reyndi að fara í banka til þess að taka út pening. Þá tók hún eftir því að fjölskylda hennar hefði reynt að hringja í hana.

„Ég var hrædd vegna þess að ég hélt að eitthvað hafði komið fyrir. Ég hringdi í mömmu sem spurði hvar ég væri og hvað ég væri að gera. Ég ætti að drífa mig heim því að Talibanarnir væri komnir í vesturhluta borgarinnar,“ skrifar konan.

Segir konan að hún hafi ákveðið að drífa sig heim. Á leiðinni fylltist hún ótta.

„Ég óttaðist að ef Talibanarnir myndu sjá mig myndu þeir drepa mig þar sem ég væri klædd í föt sem bentu til þess að ég ynni á skrifstofu,“ skrifar konan.

Ekki hægt að treysta Talibönum

Segir konan að henni hafi langað til að flýja til frænda síns og fara í felur þar, en hún vilji ekki leggja hann í hættu. Því sé hún í felum heima hjá sér. Hún hefur ekki mikla trú á yfirlýsingar Talibana um að stjórn þeirra í þetta skiptið verði mildari.

„Við höfum séð ógnarstjórn þeirra. Hvernig getum við treyst þeim? Ég sef ekki fyrir hræðslu,“ skrifar konan.

Segist konan vera ein af þeim fjölmörgu sem bíður eftir að fá vegabréfaheimild til þess að komast burt frá Afganistan, þar sem hún hafi enga trú á því að henni verði leyft að vinna.

„Ég hef glatað trú minni á framtíðina.“

Færslu konunnar má lesa á vef BBC hér.


Tengdar fréttir

Rýmdu flugbrautina til að halda brottflutningi áfram

Brottflutningur erlendra erindreka og óbreyttra borgara hélt áfram í dag eftir að þúsundir örvæntingarfullra Afgana voru reknar af flugbraut flugvallarins í Kabúl. Forseti Þýskalands lýsir glundroðanum í landinu sem skammarlegum fyrir vesturlönd.

Tvenn íslensk hjón með börn enn í Kabúl

Annar þeirra tveggja íslensku ríkisborgara sem sinnt hafa verkefnum fyrir stofnanir Atlantshafsbandalagsins í Afganistan er kominn til Sameinuðu arabísku furstadæmanna heilu og höldnu. Utanríkisráðuneytinu er nú kunnugt um tíu íslenska ríkisborgara sem enn eru staddir í afgönsku höfuðborginni Kabúl.

Tvenn íslensk hjón með börn enn í Kabúl

Annar þeirra tveggja íslensku ríkisborgara sem sinnt hafa verkefnum fyrir stofnanir Atlantshafsbandalagsins í Afganistan er kominn til Sameinuðu arabísku furstadæmanna heilu og höldnu. Utanríkisráðuneytinu er nú kunnugt um tíu íslenska ríkisborgara sem enn eru staddir í afgönsku höfuðborginni Kabúl.

Tali­banar skora á konur að taka þátt í nýrri ríkis­stjórn

Talibanar hafa gefið út allsherjar sakauppgjöf í Afganistan og hvetja konur til þátttöku í nýrri ríkisstjórn og reyna nú að sannfæra mjög efins almenning um að þeir hafi breytt um stefnu frá því þeir voru síðast við völd.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.