Öll íslensk lið nema eitt hafa tapað á Pittodrie í Aberdeen: Sir Alex Ferguson sá ekki að þar færu áhugamenn Óskar Ófeigur Jónsson skrifar 12. ágúst 2021 13:31 Leikirnir á móti ÍA 1983 voru fyrstu Evrópuleikir Aberdeen liðsins síðan að Alex Ferguson stýrði liðinu til sigurs á móti Real Madrid í úrslitaleik Evrópukeppni bikarhafa. Hér fagnar hann Evróputitlinum með aðstoðarmanni sínum Archie Knox. Getty/Peter Robinson Breiðablik verður í kvöld fimmta íslenska liðið til að spila Evrópuleik á Pittodrie leikvanginum í Aberdeen og aðeins eitt hinna fjögurra tókst að ná í úrslit. KR-ingar voru ekki aðeins fyrsta íslenska liðið til að spila Evrópuleik í Aberdeen heldur einnig fyrsta liðið sem í Aberdeen mætir á heimavelli í Evrópukeppni. Það var í Evrópukeppni bikarhafa haustið 1967. KR-liðið átti ekki mikla möguleika og tapaði útileiknum 10-0. Hann var fyrri leikurinn en Aberdeen vann þann síðari 4-1 í Laugardalnum. Fjórtán þúsund manns mættu á leikinn í Aberdeen. 10-0 tap í fyrsta leik íslensk liðs á Pittodrie Frank Munro skoraði þrennu í 10-0 sigrinum en enska liðið Wolverhampton Wanderers keypti hann eftir tímabilið. Jim Storrie skoraði aftur á móti tvívegis í báðum leikjunum. Aberdeen drógst næst á móti íslensku liði í Evrópukeppni bikarhafa 1983. Skagamenn voru þá með sterkt lið, tvöfaldir meistarar í deildinni og áttu eftir að endurtaka leikinn sumarið eftir. Þeir voru hins vegar að mæta ríkjandi Evrópumeisturum bikarhafa sem höfðu unnið Real Madrid í úrslitaleiknum vorið áður. Aberdeen rétt slapp aftur á móti með 2-1 sigur frá Laugardalsvellinum og seinni leiknum í Aberdeen lauk síðan með 1-1 jafntefli. Þessir leikir tóku á fyrir Sir Alex Ferguson, þáverandi stjóra skoska liðsins, og Skagamenn komu við sögu í ævisögu hans. 12.179 manns mættu á leikinn í Aberdeen. Grein um leikinn í Dagblaðinu Vísi.Skjámynd/timarit.is/DV Gordan Strachan með markið Gordon Strachan, sem seinna varð leikmaður Manchester United, kom skoska liðinu yfir á 68. mínútu með marki úr vítaspyrnu á Pittodrie leikvanginum en Jón Askelsson jafnaði úr víti á 89. mínútu en Guðbjörg Tryggvason fékk þá vítaspyrnu réttilega dæmda. Í frétt DV kemur fram að stuðningsmenn heimamanna hafi verið svo ósáttir með frammistöðu sinna manna í leiknum að þeir hafi fagnað ákaft þegar Jón jafnaði metin. „Ég er alveg himinlifandi yfir þessum úrslitum. Ég tel þetta glæsilega frammistöðu hjá okkur og það er eftirtektarvert að í þessum leik spiluðum við ekki varnarleik heldur okkar venjulegu taktík, 4-3-3," sagði Sigurður Lárusson, fyrirliði Skagamanna, eftir leikinn. Grein um leikinn í Tímanum.Skjámynd/timarit.is/Tíminn Við vorum aftur á móti heppnir gegn þeim í Reykjavík „Skagamenn léku oft það vel að það var ekki hægt að sjá að þeir væru áhugamenn, sagði Alex Ferguson, framkvæmdastjóri Aberdeen, eftir leikinn. „Þeir áttu svo sannarlega skilið jafntefli hér gegn okkur. Við vorum aftur á móti heppnir gegn þeim í Reykjavík. Ég vona að heppnin verði áfram með okkur á útivöllum i Evrópukeppninni, sagði Ferguson í viðtali sem DV birti eftir leikinn. Við erum allir í sigurvímu þrátt fyrir jafnteflið „Ég á nú bara varla til lýsingarorð. Þetta var stórkostlegt, í einu orði sagt. Við erum allir i sigurvímu þó jafntefli hafi orðið því þetta var náttúrlega ekkert annað en sigur fyrir okkur og það meira að segja stórsigur. Mér fannst nú ekki mikil munur á því að spila við þá hér og heima á Íslandi. Að vísu var Gordon Strachan með þeim núna og þar fer geysisterkur leikmaður en með mikilli baráttu tókst okkur hreinlega að brjóta þá niður. Áhorfendur voru allir komnir á okkar band, púuðu meira að segja á sina menn, sýnilega yfir sig óánægðir með frammistöðu þeirra," sagði Sigurður Jónsson eftir leikinn í viðtali við Dagblaðið Vísi. Grein um leikinn í Morgunblaðinu daginn eftir.Skjámynd/timarit.is/Morgunblaðið Það gekk ekki eins vel þegar Skagamenn lentu aftur á móti Aberdeen í Evrópukeppni meistaraliða haustið 1985. Aberdeen vann þá fyrri leikinn 3-1 á Laugardalsvellinum og þann síðari 4-1 á heimavelli sínum. 14.700 manns mættu á leikinn í Aberdeen. Valsmenn drógust síðan á móti Aberdeen í Evrópukeppni bikarhafa haustið 1993. Aberdeen vann fyrst 3-0 í Laugardalnum og svo seinni leikinn 4-0 á heimavelli sínum. Eoin Jess skoraði tvívegis í báðum leikjunum. 10.004 manns mættu á leikinn í Aberdeen. Leikurinn í kvöld verður sýndur beint á Stöð 2 Sport. Útsending hefst klukkan 18.35 en flautað er til leiks klukkan 18.45. Skoski boltinn Fótbolti Sambandsdeild Evrópu Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti „Röng ákvörðun af minni hálfu og ég tek fulla ábyrgð“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Sjá meira
KR-ingar voru ekki aðeins fyrsta íslenska liðið til að spila Evrópuleik í Aberdeen heldur einnig fyrsta liðið sem í Aberdeen mætir á heimavelli í Evrópukeppni. Það var í Evrópukeppni bikarhafa haustið 1967. KR-liðið átti ekki mikla möguleika og tapaði útileiknum 10-0. Hann var fyrri leikurinn en Aberdeen vann þann síðari 4-1 í Laugardalnum. Fjórtán þúsund manns mættu á leikinn í Aberdeen. 10-0 tap í fyrsta leik íslensk liðs á Pittodrie Frank Munro skoraði þrennu í 10-0 sigrinum en enska liðið Wolverhampton Wanderers keypti hann eftir tímabilið. Jim Storrie skoraði aftur á móti tvívegis í báðum leikjunum. Aberdeen drógst næst á móti íslensku liði í Evrópukeppni bikarhafa 1983. Skagamenn voru þá með sterkt lið, tvöfaldir meistarar í deildinni og áttu eftir að endurtaka leikinn sumarið eftir. Þeir voru hins vegar að mæta ríkjandi Evrópumeisturum bikarhafa sem höfðu unnið Real Madrid í úrslitaleiknum vorið áður. Aberdeen rétt slapp aftur á móti með 2-1 sigur frá Laugardalsvellinum og seinni leiknum í Aberdeen lauk síðan með 1-1 jafntefli. Þessir leikir tóku á fyrir Sir Alex Ferguson, þáverandi stjóra skoska liðsins, og Skagamenn komu við sögu í ævisögu hans. 12.179 manns mættu á leikinn í Aberdeen. Grein um leikinn í Dagblaðinu Vísi.Skjámynd/timarit.is/DV Gordan Strachan með markið Gordon Strachan, sem seinna varð leikmaður Manchester United, kom skoska liðinu yfir á 68. mínútu með marki úr vítaspyrnu á Pittodrie leikvanginum en Jón Askelsson jafnaði úr víti á 89. mínútu en Guðbjörg Tryggvason fékk þá vítaspyrnu réttilega dæmda. Í frétt DV kemur fram að stuðningsmenn heimamanna hafi verið svo ósáttir með frammistöðu sinna manna í leiknum að þeir hafi fagnað ákaft þegar Jón jafnaði metin. „Ég er alveg himinlifandi yfir þessum úrslitum. Ég tel þetta glæsilega frammistöðu hjá okkur og það er eftirtektarvert að í þessum leik spiluðum við ekki varnarleik heldur okkar venjulegu taktík, 4-3-3," sagði Sigurður Lárusson, fyrirliði Skagamanna, eftir leikinn. Grein um leikinn í Tímanum.Skjámynd/timarit.is/Tíminn Við vorum aftur á móti heppnir gegn þeim í Reykjavík „Skagamenn léku oft það vel að það var ekki hægt að sjá að þeir væru áhugamenn, sagði Alex Ferguson, framkvæmdastjóri Aberdeen, eftir leikinn. „Þeir áttu svo sannarlega skilið jafntefli hér gegn okkur. Við vorum aftur á móti heppnir gegn þeim í Reykjavík. Ég vona að heppnin verði áfram með okkur á útivöllum i Evrópukeppninni, sagði Ferguson í viðtali sem DV birti eftir leikinn. Við erum allir í sigurvímu þrátt fyrir jafnteflið „Ég á nú bara varla til lýsingarorð. Þetta var stórkostlegt, í einu orði sagt. Við erum allir i sigurvímu þó jafntefli hafi orðið því þetta var náttúrlega ekkert annað en sigur fyrir okkur og það meira að segja stórsigur. Mér fannst nú ekki mikil munur á því að spila við þá hér og heima á Íslandi. Að vísu var Gordon Strachan með þeim núna og þar fer geysisterkur leikmaður en með mikilli baráttu tókst okkur hreinlega að brjóta þá niður. Áhorfendur voru allir komnir á okkar band, púuðu meira að segja á sina menn, sýnilega yfir sig óánægðir með frammistöðu þeirra," sagði Sigurður Jónsson eftir leikinn í viðtali við Dagblaðið Vísi. Grein um leikinn í Morgunblaðinu daginn eftir.Skjámynd/timarit.is/Morgunblaðið Það gekk ekki eins vel þegar Skagamenn lentu aftur á móti Aberdeen í Evrópukeppni meistaraliða haustið 1985. Aberdeen vann þá fyrri leikinn 3-1 á Laugardalsvellinum og þann síðari 4-1 á heimavelli sínum. 14.700 manns mættu á leikinn í Aberdeen. Valsmenn drógust síðan á móti Aberdeen í Evrópukeppni bikarhafa haustið 1993. Aberdeen vann fyrst 3-0 í Laugardalnum og svo seinni leikinn 4-0 á heimavelli sínum. Eoin Jess skoraði tvívegis í báðum leikjunum. 10.004 manns mættu á leikinn í Aberdeen. Leikurinn í kvöld verður sýndur beint á Stöð 2 Sport. Útsending hefst klukkan 18.35 en flautað er til leiks klukkan 18.45.
Skoski boltinn Fótbolti Sambandsdeild Evrópu Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti „Röng ákvörðun af minni hálfu og ég tek fulla ábyrgð“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Sjá meira